TZ GOSPEL MUSIC

Rose Muhando apata pigo

2011-10-13T06:47:00.000-07:00

Mwimbaji wa muziki wa Injili nchini Rose Muhando amepata pigo baada ya kufiwa na dada yake Salma Muhando usiku wa kuamkia leo na msiba uko nyumbani wako Tanga, Kilindi. Wadau wote wa Rose tuko naye katika hali hii ya majonzi na Mungu ailaze mahala pema pepo roho ya marehemu, kwani Bwana ametoa na Bwana ametwaa jina lake lihimidiwe Amen.

RADIO USHINDI FM

2011-08-16T06:23:00.000-07:00

Ni radio ya watu wote katika mikoa ya Kanda ya Nyanda za Juu Kusini. Inapatikana katika masafa ya 98.6. Inarusha matangazo yake kutoka jijini Mbeya. Karibu uburudike kiroho na kimwili.

SEMINA YA MWALIMU MWAKASEGE

2011-08-16T06:14:00.000-07:00

Mwalimu Christopher Mwakasege anatarajiwa kuendesha semina ya Neno la Mungu Septemba 4, 2011 mpaka Septemba 11, 2011 kwenye Viwanja vya Biafra Kinondoni jijini Dar es Salaam.

Semina hiyo itakuwa inaanza saa 9 alasiri mpaka saa 12 jioni kila siku. Semina hiyo imeandaliwa na Kamati ya Maandalizi ya Mwl.Christopher na Diana Mwakasege, watu wote mnakaribishwa. Picha kwa hisani ya Amani masue bloG

J. SISTERS KUZINDUA ALBUM CHUKUA USHINDI

2011-07-30T07:04:00.001-07:00

Kundi la Muziki wa Injili la J SISTERS linaloundwa na wanamuziki ndugu JENNFFER, JESSICAR , JAQUILLINE na JULIET linatarajiwa Kuzindua albamu yao ya tatu inayojulikana kama CHUKUA USHINDI Jumapili hii ndani ya ukumbi wa DIAMOND JUBILEE.

Mgeni rasmi katika shughuli hiyo anatajiwa kuwa Mke wa Rais Mama Salma Kikwete litanogeshwa na waimbaji wa muziki wa Injili nchini kama Frola Mbasha, Bonny Mwaitege, Martha Maipaja na wengine wengi. Kiingilio cha juu ni shilingi 10,000, 5,000 na 3000 kwa watoto.

HAKIGRAM IKITUMIKA IPASAVYO ITAWANUFAISHA WASANII

2011-07-29T05:22:00.000-07:00

Endapo serikali itafanikiwa kuwabana wasambazaji wote wa kazi za wasanii nchini kwa kubandika stika ya usalama itakayojulikana kama HAKIGRAM kwa kila nakala ya kazi itakayosambazwa itadhibiti wizi wa kazi hizo na kuwanufaisha wahusika.

Naungana na serikali kupitia Naibu Waziri wa Nishati na Madini, Adam Malima kwa niaba ya Waziri wa Viwanda na Biashara, alipokuwa anajibu swali Mbunge wa Viti Maalum, Esther Bulaya (CCM) mjini Dodoma Julai 27, 2011.

Ni ukweli kwamba, utaratibu wa kila msambazaji kuingia mkataba na msanii kusambaza idadi flani ya nakala na kupewa stika za HAKIGRAM ambazo zitabandikwa kwa kila nakala kutawezesha kujua msanii kauza nakala ngapi na kwa muda upi.

Kazi nyingi za wasanii wa Tanzania zinauzwa kinyume na sheria nchi za Congo, Burundi, Malawi, Rwanda na

Zambia

Waharamia wa kudurufu kazi za wasanii wametajirika huku wahusika wakiwa katika hali ya umasikini na wanafanya bila uoga kutokana na kosekana kwa sheria ya kuwabana moja kwa moja.

Nasema hivyo nikiwa na ushahidi kuwa Mkurugenzi wa Kampuni ya Msama Auction Mart, Alex Msama ambaye amekuwa akipambana na maharamia hawa kila kukicha.

Hivi karibuni Msama alifanikiwa kukamata mtambo mmoja mkubwa wa kudurufu CD wenyewe uwezo wa kuzalisha CD feki 300 ndani ya dakika 20.

Na ili zoezi hili lifanikiwe inatupasa waimbaji wote wa muziki wa Injili na wadunia kuungana kwa pamoja ili kuondoa ujangili huu ambao unadidimiza maisha ya wasanii huku wasiohusika wakitajirika.

Mpaka sasa Msama amefanikiwa kuwakamata baadhi ya wanyonyaji kama Fred Jumbe, Martin Mkinga na Mstafa Rashidi.

SHIKA YESU BEND IKIMTUKUZA MUNGU NDANI YA BUSTANI YA EDENI JULAI 26, 2011

2011-07-29T05:15:00.000-07:00

ELIZA AKIIMBA PAMOJA NA KABULA GEORGE WAKIIMBA JULAI 27,2011

2011-07-29T05:12:00.000-07:00

KABULA J.GEORGE AKIIMBA NDANI YA HUDUMA YA NENO LA UPATANISHO ILIYOPO BUSTANI YA EDENI

2011-07-29T05:07:00.000-07:00

Waunimi wakifuatilia uimbaji wa Kabula

VIONGOZI WA DINI NA MADAWA YA KULEVYA

2011-07-21T23:24:00.000-07:00

Ni Mungu yupi wanayemtumikia viongozi hawa wa dini wanaojihusishwa na madawa ya kulevya?

Swali hili nimekuwa nikijiuliza kila siku kuwa, watumishi hawa wa Mungu wanaojihusisha na madawa ya kulevya huku wanapanda kwenye madhabahu kuhubiri neno lake, ni Mungu yupi wanayemhubiri?

Wanaupata wapi ujasili wa kuhubiri neno la Mungu huku nyuma ya pazia wanatambua kuwa wanafanya matendo ya kuangamiza watu kwa kuwauzia madawa ya kulevya.

Iweje watumie kivuli cha uchungaji, uaskofu, utume na unabii kwa kuwadanganya waumini kuwa, utajiri walionao wameupata kutokana na baraka za Mungu?

Wanafanya hivyo kwa faida ya nani? Leo Mungu akiwaita kwake watajitetea nini? Watumishi hawa wanalipeleka wapi kanisa la leo?

Ina maana hawana uhakika wa kutajirishwa kihalali na Mungu wanayemhubiri mpaka watumie njia za mkato?

Tunawaona wamevaa vito vya thamani mwilini mwao na magari ya kifahali wengi tukijua Mungu kawabariki kumbe shetani ndiye kawafanya wawe hivyo.

Jamani kanisa linaelekea wapi? Kuna kila sababu ya kutulia kwenye magoti na kuliombea taifa liondokane na viongozi wa namna hii.

Viongozi wa dini tunaowategemea kukemea maovu leo hii wao ndiyo watenda maovu wakubwa.

Namshukuru Mungu kwa neema tuliyonayo ndiyo maana watumishi hao leo hii ndiyo maana wanafanya maovu mengi bila kudhurika na amewapa nafasi nyingine ya kutubu kwani yeye ni mwingi wa rehema.

Naungana na viongozi hao waliokuwa wanajihusisha na biashara ya madawa ya kulevya kuiomba Kamati ya Maadili ya Viongozi wa Dini na Haki za Jamii kuficha majina yao na madhehebu kwa ajili ya usalama wao.

Ni ukweli kuwa, Kamati hiyo ikitaja majina yao ni dhahili kwamba waumini wao watarudi nyuma kiimani na kuyahama makinisa hayo ikiwa ni pamoja na kujenga chuki dhidi yao hasa kwa viongozi ambao ndiyo wasisi wa madhehebu husika.

Pamoja na hayo bado serikali inauwezo wa kufanya inaloona linafaa kuhusu viongozi hao wanaolidhalilisha jina la Yesu ambaye wanamtangaza kila siku kwa wafuasi wao.

Naleta hoja hii kwenu wasomaji wa mtandano huu, je ni vema Kamati kuendelea kuwakumbatia viongozi hawa kwa kuficha majina yao ama wayaweke hadharani?

Mchango wako ni wa muhimu sana kwa ajili ya manufaa ya Watanzania wote. Nikukumbushe kuwa, suala hili liliibuliwa na Rais Kikwete Juni 5 mwaka huu katika sherehe za kumsimika Askofu wa Jimbo Katoliki la Mbinga kwa kuwataka viongozi wa dini nchini kuacha tabia ya kushiriki biashara ya madawa ya kulevya.

Hata hivyo kauli hiyo ilionekana kupingwa na baadhi ya viongozi wa dini na kusema kuwa, rais amewadhalilisha na kumtaka awatajie majina ya watuhumiwa hao.

MWINJILISTI WA KIMATAIFA KABULA GEORGE AWAPONGEZA WAKENYA

2011-07-18T22:20:00.000-07:00

Mwinjilisti wa kimataifa Kabula J.George amewapongeza wananchi wa Kenya hasa mkoa wa Kisii kwa mapokezi yao mazuri waliyompa kwenye kanisa la Mlima wa Sayuni na kumwandalia mkutano mkubwa wa nje ulioponya watu wengi.
Kabula amewashukuru waumini wa kanisa hilo kwa ukarimu wao wote waliouonesha kwa muda wa wiki moja akiwa kanisani hapo kwa ajili ya kulihubiri neno la Mungu kwa njia ya uimbaji na kuhubiri.
Anashukuru Mungu pia kutumia wachungaji wote wa kanisa hilo pamoja na Edward Makoli. Kabula alitumia nafasi hiyo kuwakaribisha waumini hao kuja Tanzania kwa ajili ya kulitangaza neno la Mungu.

SEMINA YA MASOMO YA NDOA

2011-07-17T22:10:00.001-07:00

Kutana na mshauri wa masuala ya mapenzi na ndoa George Kayala ambaye amefanyika msaada mkubwa katika ndoa za watu wengi kila pembe ya

Tanzania

Kayala amekuwa akizunguka katika makanisa mbalimbali kwa ajili ya kutoa somo la ndoa hasa kwa wanaume wenye upungufu wa nguvu za kiume. Ndoa nyingi zimekuwa zikivunjika kutokana wanaume kushindwa kuwafurahisha wanaume wawapo faragha.

Kwa mialiko ya semina za ndoa piga simu namba +255755240136 ama +255656215572.

MCHUNGAJI RWAKATARE ATOAMPYA BARAZA LA MAADILI

2011-06-15T22:21:00.000-07:00

MBUNGE wa Viti maalum (CCM), Mchungaji Getrude Rwakatare jana alitoa mpya mbele ya Baraza la Maadili ya Viongozi wa Umma alikofikishwa kujieleza kwa nini hakujaza fomu ya kutangaza mali zake, baada ya kudai kuwa shetani ndiye amepoteza fomu hizo.Dk Rwakatare alisema hayo wakati akihojiwa na mwanasheria wa baraza hilo Getrude Cynacus.Katika utetezi wake, Dk Rwakatare alitumia maneno kama pepo, shetani na Mungu yalitawala.Mchungaji huyo alijitetea kuwa yeye alijaza fomu hizo na kuziwasilisha katika ofisi za bunge lakini hajui nini kilichotokea hadi fomu hizo zisifike kunakohusika.“Mambo mengine ni shetani tu, shetani ana nguvu sana kila mahali yuko,”alisema Mchungaji huyo na kuongeza kuwa:“Kazi yenyewe ya kujaza fomu ni ya dakika 10 tu sio kwamba unafanya mtihani Cambridge hivyo halikuwa zoezi kubwa kwangu hadi mimi nishindwe kujaza,”alisema.Alisema yeye hakuwa na wasiwasi kabisa kwamba angeweza kuwa mmoja wa watu ambao hawakujaza fomu hizo kwasababu alizijaza na kuzirejesha Ofisi ya Bunge.

Dk Rwakatare pia alionyesha nakala ya fomu hiyo anayodai kuijaza na kudai kuwa ana uzoefu wa muda mrefu katika fomu hizo na kwamba kila mwaka amekuwa akizijaza.“Tutaamini vipi kama nakala hiyo ni halali pengine ulikuwa nayo nyumbani na jana ukaitoa copy.

Je hukusaini kokote wakati uliporudisha fomu hizo?" alihoji mwanasheria wa baraza hilo Getrude Cynacus.Akijibu swali hilo Dk Rwakatare alisema wakati wa kuchukua fomu hizo ilikuwa lazima kusaini lakini kurudisha haikuwa lazima.

Baadhi ya mahojiano baina ya Mchungaji huyo na Mwanasheria huyo wa baraza yalikuwa hivi:Mwanasheria: Unasema ulijaza fomu, mbona hazikufika kwetu?Rwakatare: Hilo litakuwa ni pepo tu. Mimi nilirejesha na Mungu ni shahidi.Mwanasheria: Umeng’ang’ania shetani hivi huyo shetani ni nani?Rwakatare: Ni roho chafu ambaye kazi yake ni kuharibu na kufanya mambo yaende vibaya.Mwanasheria: Sasa huoni kama anakupeleka pabaya?Baada ya swali hilo, Mchungaji Rwakatare hakujibu kitu alikaa kimya.

Mwanasheria huyo aliliomba baraza hilo litupilie mbali utetezi wa Mchungaji huyo kwa sababu amekiri kutofanya ufuatiliaji.Hata hivyo akizungumza nje ya baraza hilo na waandishi wa habari, Dk Rwakatare alisema tangu uanze mchakato wa fomu hizo, hajasafiri kwenda mahali kokote na kwamba anashangaa kwanini hawakumpigia simu kumuuliza kama alijaza au la.“Mimi sijasafiri kwenda kokote na wala nilikuwa sina wasiwasi kabisa kwa sababu nilijaza fomu na kuzirejesha, wangeweza kunipigia simu na ningeweza kuja,”alisema.

Alipoulizwa na waandishi wa habari haoni kama kuna haja ya kuwakemea mashetani, Mchungaji huyo hakujibu kitu aliamua kuingia kwenye gari yake na kuondoka.Katika hatua nyingine, Mbunge wa Mpanda Vijijini kupitia CCM, Moshi Kakoso naye alifikishwa kwenye baraza hilo jana na kuitupia lawama ofisi ya bunge kwa madai kuwa alijaza fomu na kuzikabidhi kwa wahudumu wa ofisi hiyo.“Sijafurahia kuitwa katika baraza hili ni kitendo ambacho si kizuri.

Naomba nipewe nafasi ya kujaza fomu nyingine ili nitekeleze sheria za nchi,”alisema Kakoso.Alisema yeye hana mali za kutisha kiasi cha kumfanya ashindwe kujaza fomu hizo na kulalamikia ofisi ya bunge kuwa haiko makini katika utunzaji wa kumbukumbu.

Mbunge huyo pia alipoulizwa na Mwenyekiti wa baraza hilo Jaji Damian Lubuva kuhusu kumpa muhudumu wa ofisi ya bunge nyaraka muhimu kama hizo, alijitetea kuwa hilo ni bunge lake la kwanza na kwamba alidhani kuwa alikuwa sahihi kumpa muhudumu huyo.

“Hata mawasiliano ya barua kuja Mpanda yanachukua muda mrefu sana na kutufanya sisi wengine tuonekane tumekiuka sheria,”alisema Kakoso.Baada ya kusikiliza utetezi wa wabunge hao, Jaji Lubuva alisema watatoa uamuzi na mapendekezo yao kwenye mamlaka zinazohusika.Baraza hilo litaendelea leo ambapo Mbunge wa Mbinga Magharibi John Komba, diwani kutoka Geita Elias Okomu na Hakimu wa Mahakama ya Mwanzo Sumbawanga Edwin

HABARI HII NI KWA MUJIBU WA GAZETI LA MWANANCHI

KABULA J.GEORGE AKAMILISHA ALBAMU YAKE MPYA

2011-06-15T22:10:00.000-07:00

Mwinjilisti na mwimbaji wa muziki wa Injili Nchini Kabula J.George amefanikiwa kukamilisha albamu yake mpya inayoitwa Nitang'ara Tu yenye nyimbo 6. Albamu hiyo imepokelewa vizuri na wadau wa muziki wa Injili nchini. Albamu hiyo tayari ipo sokoni na inasambazwa na Yehova Nisi Production. Huu ni muonekano wa kava la CD, kwa sasa yupo katika maandalizi ya kurekodi video yake. Kwa mawasiliano zaidi piga simu namba 0755 240 136 ama 0656 215 572.

Gwajima

2011-04-18T23:48:00.000-07:00

Mchungaji Kiongozi wa Kanisa la Ufufuo na Uzima, Josephat Gwajima ametoa mpya kwa kutahadharisha kuhusu tiba ya kikombe cha Mchungaji Ambilikile Masapile wa Samunge, Loliondo kwa kusema kuwa endapo dawa hiyo anayoitoa inaponyesha watu asibughudhiwe wala asipigwe vita.

Gwajima alitoa tahadhari hiyo mwishoni mwa wiki iliyopita kanisani kwake jijini Dar es Salaam katika Viwanja vya Tanganyika Pakers, Kawe alipokuwa akihojiwa na mwandishi wa gazeti hili juu ya msimamo wake juu tiba anayoyatoa mchungaji Masapile maarufu kwa jina la Babu.
Alisema kwamba hajajua kama dawa hiyo inaponyesha watu au laa na kueleza kuwa, kama wagonjwa wanaoitumia wanapona ni jambo zuri, hivyo hakuna sababu ya kubughudhiwa bali apewe ushirikiano ili aendelee kuwasaidia wagonjwa.
“Hao watu wanaompiga vita Masapile ina maana wameshindwa kuwasaidia wagonjwa na ndiyo maana wanakimbiwa na kubakia kulalamika huku wakiponda huduma anayoitoa mchungaji huyo. Wagonjwa ni wajanja sana, wanaangalia ni wapi wanaweza kupata uponyaji,” alisema Gwajima.
Aliongeza kusema kuwa, kunywa dawa ya miti si dhambi kwani hata vidonge vinavyotumika kutibu magonjwa mbalimbali vinatokana na mimea isipokuwa huwa vinatengenezwa kiwandani, hivyo haoni tatizo kwa Masapile kutumia uponyaji wa mizizi anayodai kuoteshwa na Mungu.

MZEE WA UPAKO

2011-04-18T23:42:00.000-07:00

Mzee wa Upako, Mchungaji Anthony Lusekelo (pichani) amemtibulia kupata wateja Mchungaji Ambilikile Masapile baada ya kuweka kambi katika Jiji la Arusha ambako aliibuka akiwa na maji na mafuta ya upako.

Kutibuliwa kwa Babu kulishuhudiwa na mtando huu hivi karibuni baada ya kushuhudia wagonjwa wengi ambao walikuwa na mpango wa kwenda kijijini Samunge kupata kikombe kukatiza safari zao na kwenda katika Viwanja vya Sheikh Amri Abeid au katika Jengo la Sinema la Metropole kupata upako wa Mchungaji Lusekelo.
Baadhi ya wagonjwa waliozungumza na mtandao huu akiwemo Suzan John, walisema kwa nyakati tofauti kuwa, waliambiwa kwamba Mzee wa Upako yupo jijini hapo, na kwa kushawishiwa na baadhi ya wagonjwa waliokwenda kwa Babu na kutopata nafuu waende kwa Mzee wa Upako kuliko kuendelea kungoja foleni ya kwenda Samunge.
“Mimi kuna mtu aliniambia matatizo yangu yanaponywa na Mzee wa Upako, hivyo nikaamua kukatiza safari ya Samunge nikaenda Metropole Sinema na kweli nilipoombewa tatizo langu likatoweka,” alisema Suzana aliyedai kutoka Bunda.
Mwandishi wetu alishuhudia wagonjwa wengi kutoka mikoani wakiacha safari ya kwenda kwa Babu na kuhudhuria maombi ya Mzee wa Upako ambaye alitangaza wazi kuwa, kwake kuna uponyaji wa kweli wa Mungu.
Akizungumza na mtandao huu kwa njia ya simu, Mchungaji Lusekelo alikiri kuwa ni kweli aliweka kambi Arusha na kuokoa watu wengi ambao walitaka kwenda kwa Babu na hata wale waliokwenda na kutoponywa.
“Kwanza siku hiyo kulikuwa na mvua nyingi sana, nikaikemea na ikaacha kunyesha, upinde wa mvua ukakunjika katikati ya uwanja, watu walishangaa sana.“Lakini pia kulikuwa na wagonjwa, kwa mfano mama mmoja alikuwa mjamzito na alikuwa hajifungui, kuna mzee mmoja alikuwa amevimba miguu na baadhi yao walipata kikombe lakini hawakupona, niliwaombea na wakapona,” alisema Mzee wa Upako.
Alipoulizwa njia anayotumia kuponya watu alisema:”Ninatoa maji ya uzima ambayo nayabariki kwa mikono yangu na yanatibu magonjwa sugu tofauti na hicho kikombe kimoja wananchi wanachokikimbilia huko Loliondo,” alisema Lusekelo.
Akaongeza kuwa, anaamini maji hayo anayotoa ni zaidi ya kikombe cha Babu wa Loliondo na amewaomba wananchi kuyanywa kwani yanaponya magonjwa sugu.
Alitamba kuwa, alilitikisa anga la Mkoa wa Arusha baada ya kupata mapokezi makubwa licha ya kuwepo kikombe cha Babu huyo.

MSAMA ARUSHIWA DONGO LA UNYANYAPAA TAMASHA LA INJILI

2011-04-18T23:33:00.000-07:00

Baadhi ya waimbaji wa Injili Bongo, wamemkosoa muandaaji wa Tamasha la Injili litakalofanyika Aprili 24 mwaka huu, Diamond Jubilee, jijini Dar, Alex Msama kurekebisha uchujaji na upangaji wa majina ya washiriki wa kuimba.
Wakizungumza na mtandao huu hivi karibuni kwa sharti la kutotajwa majina yao, waimbaji hao walisema karibu washiriki wote ni wale wale kila mwaka wakati kuna wapya wameibuka na nyimbo kali.
“Unajua nini, itafika mahali jamii itahoji kuna nini kwenye Tamasha la Injili, kila mwaka waimbaji ni wale wale tu, kwani hakuna wengine, au ana unyanyapaa?” Alihoji mwimbaji mmoja.
Mwimbaji mwingine ambaye anashika kasi katika nyimbo hizo, yeye alisema ni wakati wa Msama kuingiza sura mpya kila mwaka ili kulifanya tamasha hilo kusisimua zaidi.
Msama mwenyewe alipohojiwa na mtandao huu alisema sura mpya zipo kibao, akaongeza kuwa, hakuna mwaka aliyoingiza wasanii kwa upendeleo, anafanya nao mazungumzo kwanza, wanaokubali wanaingia mkataba, wengine huwa wanamwambia hawatakuwa na nafasi.

JANETH JONAS MREMA MWIMBAJI WA NYIMBO ZA INJILI (THE HEALING VOICE)

2011-04-18T23:20:00.000-07:00

YAJUE MAISHA YAKE, WAPI AMETOKEA NA ANAKOENDA

Janeth ni mtoto wa kwanza wa familia ya Mzee Elly Temu na marehemu mama Veronica Bagenyi. Baba yake alizaliwa Marangu Moshi kijiji cha Komalyangoe na mama yake alizaliwa mkoani Kagera Wilaya ya Karagwe kijiji maarufu cha Kaisho. Aidha katika tumbo la mama yake wamezaliwa watoto wanne wa kike wawili (2) na wa kiume wawili (2) wengine ni Lucas, Eric na Catherine.

Kwa sehemu kubwa ya maisha yake Janeth ameishi eneo la Area C Dodoma ambapo baba yake ni mwajiriwa wa Wizara ya Nishati na madini (GST) Dodoma. Janeth alihamia rasmi jijini Dar es Salaam mwezi July 2002 baada ya kuajiriwa na Kampuni ya Ujenzi kutoka Kuwait iitwayo M.A Kharafi & Sons katika idara ya uhasibu, Kampuni iliyohusika na ujenzi wa majengo makubwa duniani yakiwemo majengo maarufu ya Millenium Tower Kijitonyama na Ubungo Plaza yote ya jijini Dar es salaam. Ni katika ujenzi wa Majengo hayo Janeth alipokutana na mhandisi Jonas Mrema na hatimaye kufunga naye ndoa mwaka 2004. Aidha mwimbaji Janeth Mrema ni mama wa Kijana aitwae Ernest Mrema (Junior).
ELIMU
Janeth Mrema alihitimu elimu ya msingi katika shule ya msingi kiwanja cha Ndege Area C Dodoma mwaka 1991, alifaulu na kuchaguliwa kujiunga shule ya Sekondari ya Dodoma na kuhitimu kidato cha nne (O-Level) mwaka 1995, hapo pia alifaulu na kuchaguliwa kujiunga na shule ya wasichana Ashira iliyopo eneo la Marangu mkoani Kilimanjaro ambapo alihitimu kidato cha sita mwaka 1998. Mwaka 1999 dada Janeth alijiunga na na chuo cha Biashara kampas ya Dodoma kwa ajili ya elimu ya juu ambapo mwaka 2002 alihitimu na kutunikiwa Stashahada ya juu ya uongozi wa biashara ( Business Administration), aidha Janeth amekuwa akivutiwa na mambo ya ujasiriamali na uongozi hivyo ameendelea kuhudhuria kozi mbalimbali zinazohusu mambo hayo ili kujinoa zaidi, pamoja na huduma ya uimbaji, Janeth na mumewe Jonas wanajishughulisha na shughuli za ujasiriamali.
JANETH NA UIMBAJI
Kipaji chake cha uimbaji, walianza kukigundua walimu wake wa shule ya Jumapili (Sunday School) katika kanisa la KKKT usharika wa Arusha road Dodoma, na kati yao hakusita kuwataja mwalimu Alexander Lyaro na Mchungaji Menard Kipyali ambaye pia alihusika sana kukinoa kipaji chake baadaye alipojiunga na kwaya ya vijana.
Akiwa darasa la saba Janeth alichaguliwa na walimu wake wa shuleni kutunga wimbo ambao uliimbwa katika maadhimisho ya UMISHUMTA 1991, ambayo kitaifa yalifanyika mkoani Dodoma kwa mwaka huo.
Akiwa Sekondari alishika vyeo mbalimbali kama katibu wa Ukwata Dodoma Sekondari, Mwenyekiti msaidizi wa Ukwata akiwa Ashira High School, na katibu wa Tafes alipokuwa chuoni. Mwaka 2001 aliweza kuwa mwakilishi katika mkutano mkubwa wa vijana EZRA Conference uliofanyika Nairobi nchini Kenya, na katika mambo yote hayo msukumo mkubwa ulitokana na huduma yake ya uimbaji.
Baada ya kuolewa Janeth na familia yake ni washiriki wa kanisa la Kibaptisti Magomeni jijini Dar es Salaam, chini ya Mchungaji Anyingisye Mwasandube, ingawa huduma ya uimbaji inawapa nafasi ya kushiriki makanisa na huduma mbalimbali.
MSAMBAZAJI NA UPATIKANAJI
Watu mbalimbali walimtia moyo na kumhimiza Janeth kuingia studio, na hilo limewezekana, Janeth amefanya albam nzuri sana mwanzo mpaka mwisho yenye nyimbo maarufu kama Piga Makofi, Mbona washika tama, Sala yangu, Nakuhitaji Roho n.k ambayo sasa imeingia sokoni na inasambazwa na UMOJA AUDIO VISUAL na GMC wasanii promoters na inapatikana katika Audio tape, Audio Cd, Vcd na Dvd.

UZINDUZI
Albamu ya piga ya PIGA MAKOFI itazinduliwa rasmi siku ya Jumapili ya tarehe 29 May 2011 katika ukumbi mwanana wa Ubungo Plaza kuanzia saa 7:45 Mchana.
Uzinduzi huu utakuwa ni wa aina yake kabisa na utahudhuriwa na wageni mbalimbali mashuhuri wakiwemo, wanasiasa, wafanyabiashara, watumishi wa Mungu na wakurugenzi wa makampuni mbalimbali. Aidha dada Janeth anapenda kuwakaribisha watu wote wa dini na madhehebu yote kuhudhuria tamasha hilo kwa ajili ya utukufu wa Mungu.
Waimbaji mbalimbali wa ukweli watakaotinga ndani ya ubungo Plaza kumtia joto mwenzao ni pamoja na ile bendi maarufu inayoimba nyimbo za Kiswahili, Kiingereza, Kifaransa n.k, ijulikanayo kama the Messengers Band, bila kuwasahau The TM Music waimbaji wa kimataifa wenye vipaji vya ajabu ambao wanaimba kwa style ya Congregational Singing (uimbaji wa watu wengi) kikundi hiki kina waimbaji wengi zaidi ya watu 200, pia kwaya mbalimbali zitakuwepo.
Waimbaji binafsi ni pamoja na Martha Mwaipaja, Stella Joel, Ningile Mwakatage, Kanuni Kayombo, Addo November, Upendo Nkone, bila kumsahau mwana mama Christina Shusho.
KIINGILIO
Kiingilio katika uzinduzi huo kimeshushwa ili kila mtu aweze kuhudhuria hivyo kitakuwa shilingi elfu tano kawaida na elfu kumi viti maalumu usingoje kusimuliwa, njoo ushuhudie mwenyewe, na Mungu akubariki, Amina.

JANE MISSO AKUMBWA NA SKENDO

2011-04-18T22:55:00.000-07:00

MUIMBAJI maarufu wa nyimbo za injili nchini Jane Miso hivi karibuni alikumbwa na skendo baada ya kudaiwa kukunja kitita kirefu cha fedha na kuingia nazo mitini.

Mtandao huu kwa masikitiko yaliyoambatana na maswali ya siamini jamaa mmoja anajihusisha na biashara za kuuza spea za magari aliyejitambulisha kwa jina la Benson Mafuwe alisema kuwa mwanzoni mwa mwezi wa tisa mwaka 2007 alikutana na muimbaji huyo na kumuomba amsaidie kukamilisha albam yake iliyotambulika kwa jina la ‘0M0Y0’ ambapo bila ya kuweka kinyongo na mimi mwenyewe ni mmoja wa watu waliokoka nikakubali kumsaidia lakini kilichokuja kutokea siamini mpaka hivi sasa naongea na wewe.

‘Unajua nasema siamini kwasababu gani sikutegemea mtu kama Jane angekuwa tapeli kiasi hiki’ alidai Benson

Akiendelea kusimulia Benson alisema kuwa baada ya makubaliano yao kufikia hatua nzuri waliongoza hadi kwa Mwanasheria wake aliyemtaja kwa jina moja Rwiza wa kampuni ya Azania Law Chambers na kuandikishiana mkataba na kumkabidhi fedha taslimu shilingi milioni kumi ‘10,000,000’ zitakazotumika kutengeneza Audio na Video Cd za albam hiyo maandalizi ya uzinduzi pamoja kuwalipa vikundi mbalimbali vitavyoalikwa siku ya uzinduzi na kukubaliana chochote kitakachopatikana kwenye albam hiyo ya ‘OMOYO’ basi wagawane pasu kwa pasu, mkataba ambao uliingiwa September 17, 2007 na Ijumaa kubahatika kupata nakala ya mkataba huo.

‘Kiukweli tangu niingie naye mkataba hakuweza kunishilikisha kwa chochote kile hadi siku alipozindua albam yake na kushuhudia akipata fedha taslimu milioni nane kwani mgeni rasmi alitoa milioni tano na watu wengine walichanga kiasi cha milioni tatu kwa ajili ya harambee iliyopitishwa ukumbini hapo naye hakuweza kunipa taarifa zozote zile baada ya muda nikimpigia simu anakuwa hapokei nikibadili namba akipokea ananiambia yuko Nairobi nimsubiri harudi aje aniludishie fedha zangu kitu ambacho ajatekeleza hadi leo hii’ alidai Benson.

Katika kuendelezea kusimulia Benson hakuishia hapo alisema kuwa amefanya jitihada nyingi sana za kutaka angalau aludishiwe kiasi cha fedha zake alizozitoa lakini imeshindikana kilichobaki suala hili kulifikisha Mahakamani.

‘Mi naona Mahakama ndio itakayoamua hatima ya suala langu kwani nimevumilia zaidi ya miaka mitano bali ya kupata ufumbuzi wowote’

Baada ya kuzinyaka taarifa hizo gazeti hili liliwasiliana na Jane Miso ambapo baada ya muandishi kujitambulisha na kisha kumsomea mashtaka yake alidai kuwa yuko kwenye basi akielekea Kahama kwa hiyo si vizuri kuzungumzia suala hilo akiwa safarini.

‘Ngoja nifike nitakupigia tuongee vizuri’ alisema Jane.

Baada ya kama dakika tano Jane alipiga simu na kuuliza huyo mdai wake yupo hapo ofisi za mtandao huu, lakini alitakiwa ajibu tu madai yanayomkabili siyo kujua huyo mtu yupo au la matokeo yake Jane hakuwa muwazi kwani hakuweza kukubali wala kukataa.

Mtandao huu unakuhaidi kufuatilia kwa undani suala hili na kisha kukuletea taarifa kamili juu ya sakata hili.

MIRIAM LUKINDO KUIZINDUA NI ASUBUHI

2011-03-30T06:03:00.000-07:00

SOLOMONI MUKUBWA: MKONO MMOJA LAKINI NITAFANYA KWELI TAMASHA LA INJILI

2011-03-30T05:44:00.000-07:00

Mwimbaji wa muziki wa Injili nchini Kenya, Solomoni Mukubwa amesema kuwa, licha ya kuwa na mkono mmoja lakini atafanya kweli katika tamasha la muziki huo linalotarajiwa kufanyika mwezi ujao jijini Dar.

Akipiga stori na waandishi wa habari juzikati nchini Kenya, Mukubwa alisema kitendo cha kuwa na mkono mmoja haina maana hawezi kucheza kama wengine na siku hiyo atafanya vitu adimu ambayo hajawahi kuvifanya tangu aanze kuimba muziki huo.

“Kitendo cha kuwa na mkono mmoja hakunifanyi nishindwe kuimba na kucheza kama wafanyavyo wengine, siku ya tamasha la muziki wa Injili nchini Tanzania nitafanya vitu adimu ambavyo sijawahi kuvifanya tangu nianze fani hii,” alisema Mukubwa ambaye ni raia wa Kongo.(Picha kwa hisani ya francisgodwin).

TAMASHA LA PASAKA KUVUNJA REKODI MWAKA HUU

2011-03-30T05:35:00.000-07:00

Mkurugenzi wa Msama Promotions, Alex Msama amesema kuwa tamasha la Pasaka la mwaka huu linalotarajiwa kufanyika Sikukuu ya Pasaka Aprili 24 mwaka huu
kwenye ukumbi wa Diamond Jubilee, Dar es Salaam, litavunja rekodi ya matamasha yote aliyowahi kuandaa.

Akizungumza na mtandao huu ndani ya ofisi zake jijini Dar es Salaam, Msama alisema kuwa kuvunja rekodi kwa tamasha hilo kunatokana na waimbaji waliodhibitisha kushiriki kuwa katika maandalizi mazuri na kila mmoja amekuwa na mda mzuri wa maombi kwa ajili ya kufanikisha shughuli hiyo.

Mgeni rasmi katika tamasha hilo anatarajiwa kuwa Rais, Jakaya Kikwete. Tamasha hilo litapambwa na waimbaji nguli wa nyimbo za kumsifu Mungu wakiongozwa na Rose Muhando.

Anawataja wasanii wengine wa nyimbo za Injili watakaopamba tamasha hilo ni Upendo Nkone, Bony Mwaitege, wanamuziki kutoka Kenya, Anastazia Mukabwa na Pamela Wanderwa na Mzambia, Ephraim Sekeleti aliothibitisha kushiriki.

Tamasha hilo lina malengo ya kuchangisha fedha kwa ajili ya watoto yatima, kuwasaidia

mitaji ya biashara wajane wasiojiweza na waathirika wa mabomu yaliyotokea kambi ya JWTZ Gongo la Mboto, Dar es Salaam, Februari 16 mwaka huu.
Msama anasema kwa Dar es Salaam kiingilio kitakuwa Sh 4,000 kwa viti vya kawaida, viti vya maalumu (B) Sh 10,000 na viti maalumu (A) Sh 20,000. Tiketi za kategoria hiyo hazitauzwa mlangoni.
Tamasha la Pasaka la mwaka huu pia litashirikisha waimbaji wa nyimbo za Injili kutoka nchi sita ambazo ni Kenya, Uganda, Rwanda, Jamhuri ya Kidemokrasia ya Congo, Afrika Kusini na Zambia. Pia kutakuwa na kwaya mbili kutoka katika nchi hizo.
Msama anasema msanii Sekeleti naye amekubali kushiriki na atatua nchini akiwa na albamu mpya iitwayo Mungu Mwenyewe. Anazitaja baadhi ya nyimbo zilizopo kwenye albamu hiyo kuwa ni Uniongoze na Kidonge cha Yesu.
Anasema Sekeleti atakuja nchini pamoja na waimbaji wake 10 na ataimba live siku hiyo.
Msama amesema kwamba tamasha la mwaka huu limekuwa na maboresha makubwa mno kwa ajili ya kukidhi matakwa ya wapendwa wengi.
“Kwanza kabisa tofauti na matamasha yaliyopita mwaka huu tutakuwa na waimbaji wengi zaidi wa muziki wa Injili kutoka nchi za nje,” anasema. “Waimbaji wote maarufu wa muziki wa Injili
watakuwepo, kwani tumejipanga vizuri mno kuhakikisha kwamba tamasha hili litakuwa gumzo kila mahali.

MOSES MWAIJELE AJA NA HAO HAO

2011-03-29T21:38:00.000-07:00

Muonekano wa kava lake la CD. Amefanikiwa kutoa video inayopatikana katika mfumo wa CD, VCD NA DVD. Pata nakala yako sasa ili upate ujumbe wa Mungu.

ROSE MUHANDO SAFARINI LOLIONDO

2011-03-23T22:19:00.000-07:00

Malkia wa muziki wa Injili nchini, Rose Muhando, amedai kupanga safari ya kwenda kijiji cha Samunge, wilayani Loliondo kukutana na Mchungaji, Ambilikile Mwasapile kwa lengo la kunywa dawa ili siku ya Tamasha la Pasaka linalotarajiwa kufanyika mwezi ujao limkute akiwa fiti.

Rose alitoa kauli hiyo hivi karibuni ndani ya Studio za Zoom Production, zilizopo Magomeni Usalama jijini Dar es Salaam anakorekodia nyimbo zake kumi kwaajili ya albamu yake ya tatu.

Mkali wa Injili ambaye nyimbo zake huonekana mpya kila kukicha alisema kuwa, baada ya kupata taarifa ya tiba za Babu huyo alikuwa na mashaka nazo lakini kadiri siku zinavyokatika ameanza kuziamini kutokana na ushuhuda za watu mbalimbali wanaohudumiwa.

Endapo Rose atatekeleza adhima yake hiyo, atakuwa mwimbaji wa kwanza wa muziki huo kujitangaza kwenda kupata tiba kwa Babu wa Loliondo ambayo imekuwa ikiwagawa watumishi mbalimbali wa Mungu ambao kila mmoja amekuw akisema lake.

THE SINOS COLLEG, TAG MSASANI, TAG UBUNGO, TAG ILALA MATANGAZO

2011-03-21T01:35:00.000-07:00

ASKOFU NA NABII SUGUYE AWATAKA WAKRISTO KUTUBU DHAMBI KILA WANAPOANGUKA

2011-03-18T22:12:00.000-07:00

Askofu na Nabii Nicolaul Suguye wa Huduma ya Neno la Upatanisho iliyopo Bustani ya Edeni Kivule amewataka Wakrito kote nchini kuwa na kawaida ya kutubu dhambi kila wanapoanguka ili kuwa watakatifu muda wote, kwani hakuna ajuaye dakika moja iyayo nini kitamtokea.

Picha ya juu na za chini zinawaonesha waumini wa huduma hiyo wakimwabudu Mungu katika roho na kweli.

Kabula George naye anamwabudu Mungu ndani ya Huduma ya Neno la Upatanisho

Mchungaji Anna Suguye naye akimtukuza Mungu, picha za chini ni Kabula akiendelea kumwabudu Mungu

Baada ya kuabudu sasa ni sifa

VICTOR MBOYA ANAWAKARIBISHA KWENYE BLOG YAKE

2011-03-12T06:18:00.000-08:00

Habari njema kwa wasomaji wa mtandao huu, Victor Mboya anawakaribisha kwenye Blog yake ya Kikristo inayoitwa Hosanna Inc. Bonyeza hapa uicheki vizuri www.hosannainc.blogspot.com

ANASTAZIA MUKABWA & ROSE MUHANDO - KIATU KIVUE

2011-03-12T06:06:00.001-08:00

PASTOR MWASANGUTI

2011-03-11T21:20:00.000-08:00

Pastor Kumbuka Mwasanguti mkazi wa Mbeya kwa sasa anasoma nchini Marekani. Aliyebeba ni mwanaye, picha ya chini ni mkewe. Kuhusu huduma yake na mambo mengine endelea kufuatilia mtandao huu.

ONE STAR RECORDS

2011-03-11T02:57:00.001-08:00

Habari njema kwa waimbaji wote wa muziki wa Injili studio mpya imefunguliwa Ubungo Kibangu ipo nyuma ya Mabibo Hostel, studio hiyo inaitwa ONE STAR RECORDS inajishughulisha na kurekodi nyimbo za Injili na nyinginezo. Kwa mawasiliano zaidi piga namba 0752-501350,0712-328632. Email aloycesmwl@yahoo.com. Nyote mnakaribishwa.

HONGERA SANA MODESTE M. MAMO

2011-03-11T02:13:00.000-08:00

Hongera sana Modeste M. Mamo, kutoka hapo Australia kwa kuitembelea blgo hii na kufurahishwa na ulivyovisoma humu. Kama utaweza naomba unitumie picha yako ili niirushe kwenye blog hii. Tuma kwa barua pepe hii, georgeekayala@yahoo.com . Karibu tena siku nyingine na Mungu wangu akubariki. Waambie na rafiki zako wa hapo Australi. Pia nitafurahi kama utakuwa unanipa habari za kidini za huko.

Stara Thomas atoswa tamasha la Pasaka

2011-03-04T20:56:00.000-08:00

KAMATI ya maandalizi ya Tamasha la Pasaka, imemtosa mwanamuziki nguli wa zamani wa muziki wa Bongo Fleva, Stara Thomas, aliyetangaza kuokoka hivi karibuni na kuomba atumbuize kwenye tamasha hilo la nyimbo za injili ambalo hufanyika kila mwaka.

Habari kutoka ndani ya Kamati hiyo zinaeleza kuwa kutoswa kwa msanii huo kunatokana kushindwa kubaini vema mienendo ya mwanamuziki huyo ambaye amedai ameanza kutunga nyimbo za Injili. Mwenyekiti wa Kamati hiyo, Alex Msama, hakuwa tayari kuzungumzia suala hilo kwa madai kuwa hayo ni maamuzi ya Kamati yake. Tamasha la Pasaka la kumsifu Mungu linatarajiwa kufanyika Aprili 24, mwaka huu kwenye ukumbi wa Dimond Jubilee, Dar es Salaam. Hivi karibuni Stara alikaririwa na vyombo vya habari kuwa anaamini Mwenyezi Mungu atamwongoza kutengeneza albamu ya Injili itakayokuwa ya shukrani kwa Muumba wake. Mwanamama huyo awali alikuwa akiabudu katika Kanisa la Jamatrine, lakini kwa sasa tangu 'azaliwe upya', anaabudu katika Kanisa la Shalom lililoko Mbezi Salasala. Msanii huyo alisema kujikita kwake kwenye muziki wa kiroho, kuna maana kwamba, ameachana na muziki wa kidunia, na hatatunga tena nyimbo za aina hiyo. Stars alitamba na nyimbo za Bongo Fleva kama Sikia, Sitorudi Nyuma, My Body na Children's Right, alizozipiga katika miondoko ya Zouk. Hivi karibuni alivuma na wimbo wa Nipigie alioshirikiana na AT. Stara alianza kuchomoza zaidi kimuziki mwaka 2000, alipoibuka na nyimbo za Sikia, Mimi na Wewe, zilizokuwa katika albamu ya Nyuma Sito Rudi. Kipaji chake kilidhihirisha mafanikio ambapo mwaka 2003, Stara alishinda tuzo ya Kilimanjaro Music Award kwa kuwa Mwimbaji Bora wa Kike Tanzania. Stara ambaye ni mwenyeji wa Mwanza, mwaka 2004, alitoa albamu ya Hadithi, ikiwa ni albamu yake ya pili. Alianza kuimba akiwa na umri wa miaka saba, tangu akiwa shuleni. Picha kwa hisani ya Strictly Gospel.

Tuzo za Rose Mhando kufanyika Aprili

2011-03-04T05:25:00.000-08:00

TUZO za Muziki wa Injili za Groove 2011 zinazofanyika nchini Kenya ambazo Rose Mhando alipata nafasi ya kuwa Mwimbaji Bora kutoka Tanzania kwa mwaka jana, zinatarajiwa kufanyika Aprili 30 mwaka huu kwenye Ukumbi wa KICC jijini hapa.

Mchakato wa tuzo hizo za kila mwaka chini ya Kampuni ya Mo Sound Entertainment umeanza ambapo majina ya wasanii watakaoingia katika kuwania yatatangazwa Machi 29, kisha kuanza kupigiwa kura hadi usiku wa siku ya sherehe ya kutolewa kwa tuzo hizo.

Watanzania wengine waliopendekezwa kuwania tuzo hizo mwaka jana ni Christina Shusho, Bahati Bukuku, Boniface Mwaitege na Upendo Nkone.

PETER MSIGWA NDANI YA TAMASHA LA INJILI

2011-02-28T23:12:00.000-08:00

Mbunge wa Iringa mjini kwa 'leseni' ya Chadema, Mchunga Peter Msigwa amesema panapo majaliwa atatia timu jijini Dar, Aprili mwaka huu kwa ajili ya kushiriki Tamasha kubwa la Injili.

Mheshimiwa Msigwa alisema; "Hakuna tatizo, kwa sasa nipo Iringa jimboni kwangu, Lakini April nitakuja Dar kwenye Tamasha la Injili tutakutana na kufanya kile Watanzania watataka nifanye", alisema Mhe. Msigwa.

MARTHA ESAU MWAIPAJA: NACHUKIZWA NA DHAMBI YA NGONO

2011-02-28T22:51:00.000-08:00

Kuokoka si kazi ngumu bali kuutunza wokovu ndiyo kazi. Leo hii si jambo la ajabu kusikia mtu amesimama madhabahuni na kutangaza kuwa ameokoka na kupigiwa makofi na waamini kutokana na uamuzi huo. Lakini siri ya wokovu hubaki moyoni mwa mhusika.

Kama nilivyotangulia kusema mwanzo kuwa kuokoka si kazi ngumu bali kuutunza wokovu. Sio jambo la kushangaza kusikia Mchungaji, Padiri, Askofu, Mwinjilisti kusikia ana nyumba ndogo.

Lakini si watumishi hao tu, bali hata waimbaji wa muziki wa Injili nao wanaandamwa na tatizo la uzinzi. Baadhi ya waimbaji ukisikia nyimbo zao utafikiri kuwa wao wako rohoni kweli lakini ukweli ni kwamba kitu ambacho hufanyika hapo ni usanii mtupu.

Kwani baadhi ya waimbaji wa muziki huo wenye kumtukuza Mungu wamekumbwa na tatizo la kupenda ngono pamoja na mambo mengine kama mtu asiyeokoka. Kuna mifano mingi ya waimbaji wa muziki wa Injili ambao wanafanya mambo yaliyokinyume na mwenendo wa Mungu.

Lakini pia wapo waliosimama katika kweli ya Mungu. Miongoni mwa hao ni Martha Esau Mwaipaja ambaye anakuja kwa kasi ya ajabu kunako muziki wa Injili. Martha mwenye sura ya upole aliniambia juzikati kuwa, anachukizwa sana na wasanii wenzake wanaofanya dhambi hasa ya uasherati na uzinzi kwani kufanya hivyo ni chukizo mbele za Mungu.

“Nachukizwa na dhambi ya ngono kwani kufanya hivyo kunaweza kuniweka mbali na Mungu wangu. Lakini si ngono pekee bali kila dhambi kwani siwezi kwenda mbinguni kwa sababu ya kuimba nyimbo za Injili,” alisema dada huyo ambaye kibao chake cha ‘Tusikate Tamaa’ kimewakamata watu wengi.

Martha mwenye miaka 22 alidai kuwa maisha yake yote anamtegemea wokovu kwani ndiyo dira yake ya kumwezesha kufanikiwa kwa kila jambo, kwani muda mwingi atakuwa karibu na Mungu hivyo itakuwa rahisi kujibiwa mahitaji yake atakayokuwa anayomba kutoka kwa Muumba wake.

“Mungu anasema ukimheshimu naye atakuheshimu, sipendi niwe kama bango la kuwaelekeza watu kwenda kwenye uzima wa milele halafu mimi niende jehanamu. Nawaomba waimbaji wenzangu wanaofanya mambo ya kumchukiza Mungu wasifanye hivyo ili wawe mfano mzuri katika jamii kwa kuishi maisha matakatifu,” alisema Martha.+

Akieleza sababu za waimbaji wa muziki wa Injili kuelemewa na dhambi ya uzinzi, uasherati pamoja na nyingine alisema kuwa, wengi wao hawapati muda wa kuwa karibu na Mungu ndiyo maana Shetani anatumia mwanya huo kuwarubuni na kujikuta wanafanya hivyo bila wao kujijua kwani wakati huo ufahamu wao huwa umefungwa.

Alimaliza kwa kuwataka waimbaji wenzake kuwa na umoja ili kudhihirisha ukweli kwamba wao ni watumishi wa Mungu wanaositahili kuigwa jamii inayowazunguka.

ROSE MHANDO: MSAMA NI ZAIDI YA BABA WATOTO

2011-02-28T22:26:00.000-08:00

Mwimbaji mahiri wa nyimbo za Injili Bongo, Rose Mhando hatimaye amefungua kinywa chake na kumuzungumzia Promota Alex Msama.

Akizungumza na mtandao huu hivi karibuni Jijini Dar, Rose alisema mengi yamesemwa kuhusu yeye na Promota huyo, "Lakini ukweli wa Mungu, Msama ni Meneja wangu toka naanza sanaa hii." Alisema Rose.

Aliongeza kuwa kwasababu hiyo nafasi ya Msama kwake ni zaidi ya baba wa watoto wake kwa vile amechangia sana kuyafanya maisha yake kuwa na nafuu.

Aidha, Rose aliongeza kuwa na kwakulitambua hilo ndiyo maana yeye hakosi kushiriki Tamasha la Injili linalofanyika kila mwaka.

"Nashiririki Tamasha la Injili kwasababu amenitoa chini, hata mwaka huu, mwaka ujao, kunako uzima nitakuwepo,"alisema Rose.

Akaongeza kuwa, wale wanaosema hana nyimbo mpya za kurusha hewani siku ya Tamasha, wafike wasikie mambo yake mapya.(Picha kwa muji wa mtandao).

RAFIKI GOSPEL SINGER WAKO TAYARI KWA MIALIKO NDANI NA NJE YA NCHI

2011-02-25T05:44:00.000-08:00

Muonekano wa mbele wa CD ya Urafiki Gospel Singers, picha ya chini inaonesha kava la nyuma

Picha ya chini vijana wa Urafiki Gospel wakiwa kazini katika moja ya tamasha waliloalikwa hivi karibuni.

Vijana wa Urafiki Gospel Singers wakiimba kapera kabla hawajarekodi albamu yao inayokwenda kwa jina la Shangilia.

Sapiens Komba mmoja wa waimbaji wa Urafiki Gospel Singers, yeye amefanikiwa kurekodi albamu yake binafsi, lakini bado anaimba na vinaja wenzake. Maelezo na habari zaidi za vijana hawa utazipata hivi karibuni.

HERI YA KRISMAS NA MWAKA MPYA WA 2011

2010-12-24T23:01:00.000-08:00

Wapendwa katika Bwana, nawatakia Sikukuu njema na yenye mafanikio, Mungu wangu awatangulie katika kila jambo jema mtakalolifanya. Ombi langu kwa wazazi, msiwaruhusu watoto kwenda kutembea peke yao kwani ni hatari. Tuitumia sikukuu hii kwa manufaa ya roho zetu na maisha yetu. Siku ya leo si ya kunywa, kulewa na kugombana, bali ni siku ya kuzaliwa upya kimaisha ikiwa ni pamoja na kutafakari ni jinsi gani utafanya mambao makubwa mwaka 2011. Sina mengi sana ya kuzungumza bali nakutakia sikukuu njema wewe unayesoma ujumbe huu na Mungu wangu akubariki.

KABULA J.GEORGE NDANI YA HUDUMA YA NENO LA UPATANISHO

2010-12-21T21:09:00.000-08:00

Kabula akimchezea Mungu ndani ya Huduma ya Neno la Upatanisho Jumapili iliyopita

Kabula wa kwanza kulia akimsifu Mungu pamoja na watumishi wenzake waliohudhuria ibada siku ya Jumapili ya Desemba 19,2010

Kabula akimwabudu Mungu ndani ya ibada

Kabula akiwa na mke wa muimbaji wa muziki wa Injili Ami Mwakitalu

Ami Mwakitalu akiimba wimbo wa Furaha yangu kuwa na Yesu

Rehema Peter Nkoi akimwabudu Mungu katika roho na kweli ndani ya ibada ya Huduma ya Neno la Upatanisho Jumapili iliyopita, picha ya chini ni ya mumewe Mchungaji Peter Nkoi

KABULA J GEORGE NA MUMEWE WAHITIMU MASOMO YA UCHUNGAJI NA UNABII

2010-11-17T20:53:00.000-08:00

Picha ya chini na juu inamuonyesha George Kayala akicheza ndani ya Huduma ya Neno la Upatanisho siku ya kuhitimu masomo ya Uchungaji na Unabii, kushoto kwake ni Kabula.

Kabula akiimba kwa furaha wakati wa mahafali hayo yaliyofanyika ndani ya ukumbi wa Huduma ya Neno la Upatanisho Novemba 13,2010

Baada ya kusifu zamu ya kumwabudu Mungu iliwadia, Kabula akimwabudu Mungu katika roho na kweli

George naye hakuwa nyuma katika kumwabudu Mungu siku hiyo

George na Kabula wakiwa katika picha za pozi baada ya kuhitimu masomo ya Uchungaji na Unabii Novemba 13,2010

Mwihava akicheza kwa ustadi wimbo wa Kumbuka Kushukuru ndani ya Huduma ya Neno la Upatanisho iliyopo Bustani ya Eden Kivule Jumapili iliyopita (Novemba 14,2010). Picha chini Kabula na mumewe George na rafiki yao Renata Samba wakimwabudu Mungu wakati wa ibada Jumapili ya Novemba 14,2010 ndani ya Huduma hiyo.

Glory George wa katika akimsifu Mungu wakati wa ibaada

Kabula akimwabudu Mungu kwa kumanisha

George Kayala naye akionekana amezama katika kumwabudu Mungu

Dada huyo jina tunalihifadhi akiwa amelala chini baada ya kuombewa mtumishi wa Mungu Nicolaus Suguye ambaye ni mwangalizi wa Huduma ya Neno la Upatanisho hayupo pichani. Dada huyu alikuwa anasumbuliwa na ugonjwa wa kansa ya damu na sasa ni mzima wa afya.

JE TUTAFIKA?

2010-10-28T22:14:00.001-07:00

“Unahitaji kuendelea kuwahubiri wanadamu kwini dunia inapita hata mambo yake yanapita. Lakini jamii hawayaoni haya bado wanatangatanga na kumasi/kumdanganya Mungu. Je tutafika? Laurentia Msangi. Endelea kuzuia blogs za watu uzifanyie kazi mwenyewe!”

Nakushukuru sana Laurentia Msangi kwa ujumbe wako huo, kwa musaada wa Mungu nakuahidi kuendelea kulihubiri neno la Mungu kila itwapo leo kupitia mtandao huu na mwenye masikio na atasikia. Ubarikiwe.

ERIC SHIGONGO ATOA WARAKA WA UCHAGUZI

2010-10-28T21:56:00.000-07:00

Ndugu zangu,

Watanzania wenzangu,

Tumsifu Yesu Kristo,

Bwana Yesu asifiwe,

Asalam Aleykhum,

Katiba yetu ya Jamhuri ya

Tanzania

inatutaka kila baada ya miaka mitano tufanye uchaguzi wa viongozi wetu watakaotuongoza kwenda kwenye nchi ya ahadi kwa miaka mitano, tangu uhuru wetu tumekuwa tukilifanya jambo hili na kujipatia viongozi ambao hakika wametufikisha hapa tulipo.

Kwa mara nyingine tena jambo hili linatokea kesho kutwa (Jumapili), Watanzania tunashiriki katika zoezi hili la kuchagua Rais na Wabunge wetu watakaotuongoza kwa miaka mitano ijayo. Nyote mtakubaliana nami kuwa katika historia ya nchi yetu hapajapata kuwepo na uchaguzi wenye ushindani na changamoto kali kama ilivyotokea katika uchaguzi huu wa mwaka 2010, tangu katika kura za maoni za Chama Cha Mapinduzi (CCM) tumeshuhudia ushindani mkali kati ya wagombea kuliko uchaguzi mwingine wowote uliowahi kufanyika nchini mwetu. Hili ni jambo la kujivunia.

Keshokutwa ni siku muhimu sana katika maisha yetu, siku ambayo tutafanya maamuzi juu ya maisha yetu ya baadaye kwetu sisi na watoto wetu ambao hawatashiriki kupiga kura, hii ina maana tumebeba dhamana kubwa sana ya watoto na wajukuu zetu pia, keshokutwa ndio siku ambayo sisi Wananchi wa kawaida tutaonyesha uwezo wetu kwamba ndio waajiri wa viongozi wetu. Hakika hii ni siku muhimu sana.

Nimeamua kuandika waraka huu kwa lengo la kuwakumbusha jambo moja kwamba, kwa miaka 49 tangu tupate uhuru, nchi yetu imefaidi amani na utulivu ambao majirani zetu wengi hawana. Amani ni kitu adimu sana nchini Kenya, Uganda, Burundi, Sudan na kwingineko, walifanya makosa yaliyofanya Njiwa wa Amani akaruka na kuondoka zake!

Ndugu zangu, Watanzania wenzangu,

Ni vyema kukumbuka kuwa, katika maamuzi yetu ya keshokutwa, kosa dogo tu linaweza kufanya amani ya nchi hii kuwa historia, jambo ambalo binafsi sitaki kulishuhudia kwa macho yangu na hata vizazi vijavyo sitaki vije kunihukumu kuwa nilishindwa kuitunza Amani. Hakuna anayewaza kwamba kama hatutafanya maamuzi sahihi keshokutwa, tuna masaa machache kabla historia ya nchi yetu haijabadilika kwani hata katika nchi zisizo na amani walianza hivi hivi na hakuna aliyekuwa na taarifa kwamba wangeishia kwenye kambi za wakimbizi.

Watanzania wenzangu,

Nchi yetu imepita katika vipindi vigumu vingi; wakati wa kupigania uhuru wa nchi yetu kutoka kwa Wakoloni, Azimio la Arusha, Operesheni Vijiji, Vita vya Kagera, kuzama kwa MV Bukoba, uchaguzi wa mwaka 2005 n.k., lakini katika vipindi vyote hivi tulisimama pamoja kama nchi, kuhakikisha tunazishinda changamoto hizo tukiwa familia moja ya Watanzania. Ndugu zangu hii ndiyo historia yetu kama Watanzania, ya kupanda pamoja na kushuka pamoja. Kulia pamoja na kufurahia pamoja.

Kwa mara nyingine tena ndugu zangu, keshokutwa asubuhi Busara, Hekima na Uvumilivu wetu unawekwa kwenye mzani ili upimwe, ndio maana naandika waraka huu kabla ya siku ya kesho kuwaasa tuifikirie Tanzania yetu, tuwafikirie watoto wetu, tuwafikirie wajukuu zetu na kujiepusha na maamuzi mabaya yatakayotokana na chuki, jazba na hasira na kuchukua uamuzi utakaokuwa na faida kwetu na vizazi vitavyokuja baada ya sisi.

Kuna vyama vilivyosimamisha wagombea wa Urais na Wabunge, kipo Chama Cha Mapinduzi, CHADEMA, CUF, UDP, TLP, NCCR-Mageuzi, APPT Maendeleo, NLD, Demokrasia Makini, CHAUSTA, UMD, SAU, NRA, AFP, UPDP, JAHAZI Asilia na TADEA. Kati ya vyama vyote hivi hakuna hata kimoja cha kukipuuza, hakuna anayeweza kudai Chama fulani ni bora kuliko kingine, wenye uamuzi huo ni wananchi wa Tanzania hiyo siku ya keshokutwa.

Vyote ni vyama, kila kimoja kinataka kiwe kinara katika safari yetu kuelekea katika nchi ya ahadi na vyote vina wafuasi waliotapakaa nchi nzima na watapiga kura siku ya keshokutwa. Hii ina maana kwa sababu ya tofauti za Kiitikadi, Watanzania tumegawanyika katika makundi, wapo CCM, wapo TLP, wapo CUF n.k.

Ndugu zangu,

Pamoja na tofauti zetu hizi, bado tunaunganishwa na kitu kimoja kikubwa ambacho ni Utanzania wetu, mwisho wa siku sisi ni Watanzania watoto wa baba mmoja atiwaye Tanzania na tunafanana katika jambo moja; HATIMA! Hatima yetu ni moja, hakuna anayeweza kukataa ukweli kwamba sote tunahitaji huduma bora za afya, elimu bora kwa watoto wetu, barabara, maji, ajira na nafasi sawa ya kuendelea mbele kimaisha. Usawa wetu huu, ndio unatufanya tuweke pembeni tofauti zetu zote na kufanya maamuzi sahihi siku ya kesho.

Kila mmoja wetu anayo haki ya kumchagua kiongozi yeyote anayempenda bila kushinikizwa, hii ni haki ya Kikatiba. Waraka huu hauna lengo la kumshawishi mtu yeyote achague Chama fulani na akiache kingine, bali ni kukumbusha Utanzania na Amani yetu, mambo mawili makubwa ambayo hakika hatuhitaji kuyapoteza kwa gharama yoyote kwani kuyarejesha ni kazi ngumu ambayo inaweza hata kugharimu maisha yetu.

Nayasema haya sababu mengi yameongewa na Wanasiasa wakati wa kampeni kwa lengo la kutushawishi tuwaunge mkono, tumeshuhudia hata vifo vya watu sababu ya Siasa! Jambo ambalo hakuna mtu aliyetegemea wakati kampeni zinaanza.

Wapo waliohubiri chuki za kidini majukwaani na hata madhabahuni, wapo waliohubiri Ukabila, rangi na kadhalika ili tu wajipatie wafuasi bila kufahamu kuwa hiyo ni mbegu mbaya ambayo kabla ama baada ya uchaguzi inaweza kuliteketeza Taifa letu na kutuacha baadhi yetu makaburini na Amani ambayo kwa kipindi kirefu tumejivunia ikiwa imepotea. Viongozi wa aina hii siku ya keshokutwa hata kama ni wataalam kiasi gani wa kuongea majukwaani, inabidi wanyimwe kura.

Katika kitabu cha Paulo Coelho, kiitwacho The Alchemist, anaongelewa mchungaji mmoja kijana aitwaye Santiago, ambaye ndoto yake ilikuwa ni kusafiri dunia nzima ambapo aliacha masomo ya Upadri ili awe mchunga Kondoo na kutimiza lengo lake. Katika safari yake aliswaga kundi la Kondoo kuelekea katika nchi ya Andalusia.

Aliwapeleka kondoo alikotaka yeye na kuwafanya wafanye alivyotaka, kama alitaka wanywe maji aliwapeleka bwawani na kama alitaka wale nyasi aliwapeleka malishoni. Siku moja Santiago alisimama na kuwaangalia kondoo wake kwa huruma moyoni mwake akasema: “Hawajui niwapelekako, nikiamua kuwachinja mmoja baada ya mwingine hakuna atakayeshtuka wala kukimbia, kwani hawa ni Kondoo, wa mwisho atajikuta ameshabaki peke yake lakini bado hatakimbia.”

Ndugu zangu,

Siku ya keshokutwa tuna kazi kubwa ya kuchagua wachungaji watakotuchunga kwa miaka mitano, hivyo ni lazima tunahakikisha tunachagua mchungaji ambaye hatatutelekeza kama kondoo wa Santiago, tukatae kufanywa Kondoo bali tufanye maamuzi yenye faida kwetu, badala ya kupelekwa au kuhamasishwa na jazba tunazopandikizwa.

Tukumbuke sisi ndio nguvu ya taifa hili, lazima tuwakatalie watu wote wanaotaka kutugawa na kuiingiza nchi yetu katika matatizo eti kwa sababu tu wanataka kwenda Ikulu. Tusiwe kondoo bali tuwe na uwezo wa kuchanganua kila sentensi inayotoka midomoni mwa Wanasiasa, tukikumbuka msemo usemao “Nyuma ya sentensi ya mwanasiasa kuna sentensi nyingine.” Wanasiasa walio wengi huwa hawamaanishi wanachokisema, siku zote wana moja kichwani.

Hivyo ni vizuri kuachana na sentensi za mbele na kwenda nyuma ya sentensi hizo, huko ndiko tutaukuta ukweli kuwa lengo halikuwa kusomesha watu bure au kuondoa kodi, au kutimiza ahadi zote zinazotolewa bali ni Ikulu vichwani mwao! Kwa akili alizotupatia Muumba wetu ni lazima tuwe na uwezo wa kupambanua kila jambo na kufanya uamuzi sahihi siku ya kesho.

Uamuzi wowote utakaofanya, usiwe wa ushabiki tu bali utakaotuwezesha kusonga mbele kama nchi moja, watu wamoja na baada ya uchaguzi, sote tukubaliane na matokeo kama CCM watakuwa wameshindwa wawe tayari kuwaachia Wapinzani ili haki itendeke na kama Chadema au CUF au TLP watakuwa wameshindwa kwa haki asiwepo mtu yeyote wa kukataa matokeo na kutushauri sisi Watanzania tuingie mitaani na kufanya vurugu ambazo mwisho wa siku zitaiondoa Amani yetu.

Najua vijana wengi wamejazwa jazba kwamba kama matokeo hayatakuwa kama walivyotaka wao basi damu itamwagika, lakini niseme jambo moja kwamba ni mtu mjinga tu anaweza kukubaliana na jambo hili na kutumiwa kama ngazi na Wanasiasa na hatimaye kutesa ndugu zake. Ukishindwa kubali, baada ya hapo tuungane kujenga Majimbo na nchi yetu.

Ndugu zangu,

Hakuna kitu kibaya kama kupoteza amani, angalieni majirani zetu wanavyoihangaikia! Ni vizuri sana kujifunza kutoka kwao kabla sisi hatujafikiria kujiingiza katika vurugu sababu ya wanasiasa ambao siku zote wapo tayari kuingia Ikulu hata kama gharama ni damu yetu! Hii sio sahihi hata kidogo, lazima tuzikatae kauli hizi kutoka kwa wanasiasa na keshokutwa tufanye maamuzi sahihi yenye manufaa kwa nchi yetu.

Chama tawala (CCM) kimejieleza kupitia kwa Mgombea wake, Dk. Jakaya Mrisho Kikwete kimejinadi kwamba pamoja na matatizo yanayosababishwa na umasikini, kimejitahidi kadri ya uwezo wake kujenga Uchumi wetu. Vyama vya Upinzani navyo viliendelea kudai hakuna kilichofanywa na CCM tangu Uhuru wetu, yote ni mabaya! Yote ni sifuri! Sana sana ni ufisadi peke yake! Hivyo wachaguliwe wao ambao wataboresha maisha ya Watanzania.

Wakati mwingine tumesikia hata Matusi katika majukwaa ya Kisiasa zote hizi ni kampeni lengo ni kuitafuta kura yangu na yako. Ndugu yangu, sitaki kukushawishi keshokutwa umchague fulani, ila nasema tumia akili yako kama mzani ili upime kauli za Wanasiasa na kuona kama tunakwenda mbele au tunarudi nyuma kama nchi, Mgombea mwongo yeyote hastahili kupewa kura yako.

Nchi yetu iko njia panda, inahitaji viongozi imara wanaoweza kuchagua kwenda kulia ama kushoto si kubaki katikati, kama kweli tunahitaji kusonga mbele. Binafsi sikubaliani na nafasi ya pili ama ya tatu katika Afrika Mashariki, lazima siku moja

Tanzania

iwe namba moja. Jambo hili linawezekana kama tutaweka uongozi imara madarakani.

Hata kama hali ni ngumu kiasi gani ni lazima tuchukue hatua makini kusogea mbele! Huu ni ukweli. Najua kama Watanzania tunayo matatizo mengi hivyo kiongozi yeyote tutakayemchagua kesho lazima awe ni yule atakayetuhakikishia kwamba atashughulikia matatizo yetu si tu hotuba nzuri jukwaani na jazba nyingi zisizo na kipimo.

Siku ya keshokutwa ndio siku ya kufanya uamuzi huu muhimu bila kufanya makosa, tuwapime wagombea wetu kwa historia zao na mafanikio waliyotuletea katika nyanja nilizozitaja hapo juu!

Siku ya keshokutwa ni siku ambayo tunatakiwa kufanya si tu mambo yanayoshangiliwa na wengi bali mambo ya lazima kufanya, hata kama hayatashangiliwa ili mradi yawe na faida kwa nchi yetu. Kwa haya niliyoyasema ndugu zangu nawaomba siku ya keshokutwa tuwe makini sana katika uamuzi tutakaofanya, kamwe tusifuate ushabiki tu na kuwa bendera inayofuata upepo, bali tutumie akili zetu vizuri kuchagua viongozi bora watakaotuvusha kipindi cha miaka mitano kwa mafanikio. Kwa haya machache nawatakieni uchaguzi mwema siku ya kesho, utakapoingia kwenye chumba cha kupigia kura, ifikirie nchi yetu, fikiria wazazi wako, watoto wako, ndugu zako, rafiki zako baada ya hapo Mungu akusaidie ufanye uamuzi sahihi.

Mungu ibariki

Tanzania

Mungu wabariki Watanzania.

Ahsanteni.

COSMAS CHIDUMULE: INJILI IMEGEUZWA BIASHARA

2010-10-28T21:43:00.000-07:00

Namshukuru Mungu kwa kutuamsha wazima tena siku ya leo, niwape pole wale wote wanaosumbuliwa na changamoto ya afya zao.

Kila kukicha makanisa yamekuwa yakiota kama uyoga mengi yakiwa na majina ya kigeni. Mimi sipingani na kuibuka kwa makanisa hayo kwani natambua wazi kuwa kusudi kubwa la kuanzishwa ni kuhubiri neno la Mungu ili watu walioanguka katika dimbwi la dhambi wamrudie Mola.

Endapo kusudi hilo lingekuwa linafanywa kama agizo la Mungu linavyosema “enendeni mkafanye mataifa yote kuwa wanafunzi…na kuwafundisha kuyashika yote niliyowaamuru”. Viongozi wa makanisa hayo kama kweli wangekuwa na moyo wa dhati kuihubiri kweli ya Mungu, leo hii nchi yetu isingekuwa na waumini wanaovaa ngozi ya kondoo kumbe ndani ni mbwa mwitu.

Kila siku ya Jumapili nyumba za ibada huwa zinajaa watu ambo ukifika kanisani na kuwaona kwa macho, hakika utasema hata leo ikiwa kihama wao moja kwa moja wataingia mbinguni. Viongozi wao ndiyo zaidi hasa ukiwaona wakiwa wamevaa mavazi yao ya kitumishi pamoja na kuongea maneno ya unyenyekevu hakika utasema kama ni utakatifu basi ni huu.

Lakini wanavyoonekana kwa macho sivyo walivyo mioyoni mwao. Waumini siwezi kuwalaumi kwa sababu baadhi yao huenda kanisani kama desturi lakini suala la kuondoka wakiwa wamebadilika kitambia hilo huwa halina nafasi. Mbaya zaidi injili ya siku hizi imekuwa ni ya kuhubiri mafanikio badala ya kukemea watu wasifanye dhambi.

Kutokana hali hiyo kunisumbua kwa muda mrefu akilini mwangu, nililazimika kumtafuta mchungaji na mwimbaji wa muziki wa Injili nchini, Cosmasi Chidumule ili kuliweka sawa jambo hili. Mara baada ya kufanikiwa kumpata, nilimtupia swali la kwanini injili ya leo imejaa maombi ya watu kufanikiwa badala ya kukemea maovu ili waishi maisha ya utakatifu na baraka zikawafuata?.

Chidumule hakupenda kupindisha maneno bali alisema wazi kuwa injili ya miaka ya hivi karibuni imegeuka kuwa biashara badala ya kuhubiri kweli ya Mungu. “Baadhi ya watumishi wa Mungu wamegundua kwamba, watu wengi wanaishi maisha ya shida na wanauhitaji wa mafanikio ya harakaharaka, hivyo ili uwapate wengi ni vema wakagusa eneo hilo kwa kutambua kuwa watamiminika kanisani na kuwahubiri injili ya mafanikio huku wao wakiwaahidi kutoa vitu flani ili wafanikiwe zaidi,” alisema Chidumule.

Chidumule aliendelea kusema kuwa, ili kudhihirisha watumishi wengi wa Mungu wamegeuza injili kuwa biashara, kila kukicha utasikia matangazo yanayoelezea kupokea baraka huku wakiwashinikiza kwa kutumia baadhi ya maandiko kuwa wasipotoa vitu kadhaa maisha yao yatakuwa ya dhiki mpaka mwisho wa maisha yao.

Kitu kingine ambacho kimekua kikinishangaza ni kuona watumishi wa Mungu kuhubiri injili ya kupaka mafuta kwa kuogopa kuwapoteza waumini wenye ‘shekeli’ambao huonekana msaada mkubwa kanisani hapo. Ni jambo la kawaida kwa waumini wanaufundishwa kweli ya Mungu kuwa wala rushwa, matapeli, watukanaji, wasengenyaji wanaouza dawa za kulevya na wakwepaji wakubwa wa ushuru kwa wafanya biashara.

Kitu cha kujiuliza ni kwamba, watumishi kama hawa, wataenda mbingu ipo siku Mungu akiwaita? Je, waumini wao nao wanao onekana kuwa watakatifu siku ya ibada na wakitoka nje ya hapo wanakuwa sawa na watu wasiomujua Mungu, nao siku ya mwisho watakuwa upande gani? Mimi na wewe hatuwezi kuwahukumi, isipokua anayejua hatima yao ni Mungu peke yake.

Katika mazungumzo yangu na Chidumule nilimuuliza kwanini amekuwa kimya katika anga ya muziki wa Injili? Muimbaji huyo aliyetesa na kibao cha Yesu ni Bwana mwaka 1998 alisema kuwa, baada ya kutoa albamu ya Yesu ni Bwana mwaka huo na 2001 kutoka na santuli ya Kimbilia kwa Yesu, aliondoka nchini Marekani kwa ajili ya kuhubiri kwa njia ya uimbaji na uinjilisti hiyo ikiwa ni mwaka 2006.

Mwaka 2007 alirejea nchini na kwenda kupata elimu ya masomo ya dini katika Chuo cha Utumishi Efatha na alipomaliza mwaka 2008 alifanya mazoezi ya kichungaji katika kanisa la Efetha. Mwaka 2009 alitumwa na kanisa hilo kwenda kujenga kanisa Songea. Kitendo hicho kilimfanya ashindwe kuvuma tena katika fani ya muziki wa Injili.

Picha kwa hisani ya www.strictlygospel.wordpress.com

MITO YA BARAKA WANAWAKARIBISHA KWENYE MKUTANO

2010-10-28T07:22:00.000-07:00

KUMWIMBIA MUNGU KUNA RAHA ISIYO KIFANI

2010-10-27T21:48:00.000-07:00

Kabula J.George akimsifu Mungu pamoja na rafiki yake Renatha Samba ambaye naye ni muimbaji wa muziki wa Injili kutoka Moshi wakiwa ndani ya Huduma ya Neno la Upatanisho hivi karibuni.

Kuna raha tele ndani ya nyumba ya Mungu, Kabula J.George na Renatha Samba wakimwambia Mungu asante wa utukufu wako.

Umeipata hii? Kuselebuka si mpaka uwe umelewa, kwa Mungu muda wote ni furaha bwana

Wapiga vyombo nao hawakuwa nyumba katika kuhakikisha wanawezesha watu kuabudu katika roko na kweli.

Muziki wa kumsifu Mungu ukikolea si rahisi kusimama eneno moja, angalia Renatha akitafuta mwelekeo mwingine wa kumsifu Mungu kwa upana zaidi.

Wapiga vyombo nao wamenogewa.

ZISIKILIZE NYIMBO HIZO MBILI KWA MAKINI, WENGI ZIMEWAHUDUMIA, ZISIKILIZE NA KUZIANGALIA KWA KUMANISHA

2010-10-22T06:17:00.000-07:00

Yawezekana una muda mrefu ndani ya ndoa yako ukiwa huna mtoto, pengine jirani, rafiki ama ndugu zako wanakubeza kutokana na maisha magumu unayopitia. Nakuomba rudia tena kuzisikiliza nyimbo hizo kwa kumanisha hakika hautabaki kama ulivyoanza kuziangalia na kuzisikiliza. Nyimbo hizo zimefanyika msaada mkubwa kwa watu waliokuwa wamebezwa na kusimangwa kutokana na changamoto zao walizokuwa wanazipata katika maisha yao. Nakusihi uuachie moyo wako upokee ujumbe huu kwa makini. Watu wengi Jehova amewafungua vifungo vyao baada ya kuusikiliza kwa utulivu. Ukisha sikiliza mwambie na mwenzako, nakushauri ununue DVD ama VCD ili usikilize kwa utulivu nyumbani kwako ama ndani ya gari yako.Waweza kuwasiliana nasi kwa simu namba
+255 757 140 336, +255 658 140 336 ama +255 755 240 136, +255 656 215 572.

VILE VILE KIZAZI CHA LEO KINAISHI KWA NEEMA. SIKILIZA NA UJUMBE HUU KUPITIA WIMBO.

KABULA J.GEORGE AKIMWABUDU MUNGU KATIKA ROHO NA KWELI

2010-10-21T23:13:00.000-07:00

Kumuimbia Mungu kunaraha jamani. Kabula J.George akimwabudu Mungu katika roho na kweli hivi karibuni katika Huduma ya Neno la Upatanisho iliyopo Bustani ya Eden Kivule zamani Matembele ya Kwanza.

Baada ya kuukalibisha uwepo wa Bwana kisha ukashuka kinachofuata ni kusifu. Kabula hapa akionekana akifurahia kumsifu Mungu baada ya kumuona jinsi anavyomtumia kwa ishara na miujiza.

Usipomuimbia Mungu ujanani, unatarajia kufanya zaidi ya hapa uzeeni? Muona Kabula ambavyo nashughulika na kumuimbia Mungu. Jamani kwa Mungu kuna raha kweli.

GLORY GEORGE AFUATA NYAYO ZA MAMA YAKE

2010-09-26T22:22:00.000-07:00

Kamanda wa Yesu, Nicolaus Suguye mwangalizi wa Huduma ya Neno la Upatanisho iliyopo Bustani ya Eden Kivule (Matembele ya Kwanza Kivule)

Glory George wa kwanza kushoto ambaye ni mtoto wake na muimbaji wa muziki wa Injili nchini Kabula J.George akimtukuza Mungu kwenye ibada iliyofanyika jana kwenye Huduma ya Neno la Upatanisho.

Ibada ikiwa na upako hata watoto nao hujikuta wanazama kwenye kuabudu. Mtoto huyu ambaye jina lake sikulidaka mara moja akimwabudu Mungu katika roho na kweli jana kwenye ibada hiyo.

Picha ya juu na chini inawaonesha vijana wa Sauti ya Sifa wakimsifu Mungu kabla ya kuanza ibada jana.

KABULA J.GEORGE AFANYA KWELI KWENYE MKESHA USIKU WA LEO

2010-09-24T22:38:00.000-07:00

Kabula J.George akiimba kibao chake cha Pesa ambapo watu waliofika kwenye mkesha uliofanyika usiku wa kuamkia leo kwenye Huduma ya Neno la Upatanisho Bustani ya Edeni Kitunda Kivule walishindwa kukaa kwenye viti vyao na kuanza kuimba naye.

Kabula akiimba wimbo wa Pesa huku akionesha noti ya shilingi 10,000/=

Mkesha wa leo ulikuwa wa baraka sana. Picha ya juu na chini zinamuonesha muimbaji wa muziki wa Injili nchini Josephine Mwansulama akimtukuza Mungu na kibao chake kinachotesa kwa sasa cha Matesa.

Mwanadada aliyeshika mic ni Renata Samba akiimba kibo cha Mungu anaweza, huyo anatoka Moshi akiwa na Kabula J.George kulia kwake na kushoto kwake ni Tom Benard akifuatiwa na Lembo Junior.

Sifa John naye alikuwepo kwenye mkesha huo wenye baraka

Picha za chini zinamuonesha mwanamuziki wa Injili Tom Benaed akiimba vibao vyake viwili kimoja cha Mungu anaweza na Siku moja nilipookoka.

Lembo Junior naye tulikuwa naye kwenye mkesha huo, hapa anaimba kibao chake kinachotesa sasa cha Nitembelee.

ALBAMU YA PESA YA KABULA J.GEORGE KATIKA MUONEKANO MPYA

2010-09-24T00:07:00.000-07:00

Albamu ya Pesa ya mwanadada Kabula J.George sasa inapatikana katika muonekano mwingine baada ya ile ya kwanza kuwa na muonekano mbaya. Picha ya juu inaonesha muonekano wa mbele na yachini inayonesha muonekano wa nyumba.

Muonekano wa kava la albamu ya Pesa la awali

Mtumishi wa Mungu Mwihava akioneka vema katika albamu yake ya kwanza inayokwenda kwa jina la Kumbuka kushukuru. Picha ya chini ni muonekano wa nyumba. Albamu hii imeimbwa kwa viwango vya juu sana. Kwa mawasiliano zaidi mcheki kwa namba yake ya simu ya mkononi inayoonekana kwenye picha ya chini ilipoandikwa Mwihava.

UZINDUZI WA JANE MISO ULIVYOKUWA SEPTEMBA 19,2010

2010-09-23T23:36:00.000-07:00

Jane Miso akiwa katika pozi siku moja kabla ya uzinduzi

Stela Swai naye alikuwepo siku hiyo kwa ajili ya kumtukuza Mungu

Wanakwaya hawa nao walimsifu Mungu kabla ya Jane kupanda jukwaani

Ester Sidoki akimsifu Mungu akiwa na Sara Mvungi anayeonekana kwa nyuma

Matha Mwaipaja anayetesa na kibao Usikate tamaa naye alihudumu siku hiyo

KABULA J.GEORGE AKIMSIFU MUNGU KATIKA ROHO NA KWELI

2010-09-21T22:05:00.000-07:00

Kabula J.George wa kwanza kushoto akimsifu Mungu kwa furaha kubwa akiwa sambamba na mwimbaji mwenzake Renatha Samba kutoka Moshi wakiwa ndani ya Huduma ya Neno la Upatanisho iliyopo Bustani ya Edeni Kivule (Matembele ya Kwanza Kivule). Hii ilikuwa Jumapili ya Septemba 19,2010. Asikwambie mtu bwana, kumwimbia Mungu kunaraha, mcheki Kabula alivyofurahi pamoja na swahiba wake Renatha.

Mtumishi wa Mungu Mwihava kutoka Mbeya naye alifika ndani ya Huduma ya Neno la Upatanisho wiki hii na kuungana na watakatifu wengine wa Mungu kumtukuza kwa kumuimbia nyimbo za sifa.

Vijana wa Sauti za Sifa nao wakimtukuza Mungu, picha ya juu ni wapiga vyombo, hakika ilikuwa ni ibada yenye uwepo wa ajabu.

Mungu siku zote hukaa katika sifa. Baada ya kumsifu Mungu kwa kumaanisha, uwepo wake ulishuka na kisha kila mmoja kujikuta yupo katika hali ya kumwabudu Mesia katika roho na kweli. Picha za juu zinamuonesha Kabula na Renatha wanavyomwabudu Mungu katika roho na kweli.

George Kayala naye wa katikati naye alijikuta anazama kwenye kumwabudu Mungu licha ya kuwa kwenye mitambo ya kurekodi mahubiri ya Mpakwa mafuta wa Bwana, Askofu Nicolaus Suguye.

Sauti za Sifa nao wanaonekana wakiwa wanamwabudu Mungu kwa kusujudu, hakika kila siku huduma hii huwa na mambo ya tofauti. Unakaribishwa kwenye mkesha Ijumaa wiki hii utakaoanza majira ya saa 4:00 usiku.

George Kayala amtukuza Mugu kwa makuu aliyomtendea

2010-09-17T00:01:00.000-07:00

Majaribu yameruhusiwa ili yatujenge kiimani. Hivi karibuni nilipatwa na jaribu zito ambalo lilinitoa katika imani moja na kunisogeza hatua nyingine. Namshukru Mungu wangu aliyekuwa upande wangu kwani binafsi nilinyamaza kimya na yeye alinipigania. Jaribu lenyewe lilikuwa la kusimamishwa kazi ghafla kwa muda wa mwezi mmoja na wiki moja baada ya kuzingiziwa jambo flani ofisini kwangu. Kabla ya kusimamishwa nilipata msukosuko mingi. Hapa namshukuru Mungu wangu kwa kunishindia suala hilo. Mtumishi wa Mungu, Askofu Nicolaus Suguye alikuwa upande wangu kwa kuniombea usiku na mchana pamoja na mchungaji Anna Suguye. Hakika Mungu ni mwana sana.

BONY MWAITEGE AZALIWA UPYA

2010-09-16T23:36:00.000-07:00

Baada ya kukaa kimpya kwa muda mrefu bila kutoa albam mpya na kupelekea baadhi ya wadau wa muziki wa Injili kuhoji uwepo wa Bony Mwaitege katika huduma hiyo ya kumtumikia Mungu kwa njia ya uimbaji, hatatimaye mwanamuziki huyo amewajibu waliofikiri amepotea baada ya kuibuka na albam mpya inayokwenda kwa jina la Mama. Albam hiyo kwa sasa imefanikiwa kuwateka watu wengi kutokana na vibao vyake kama Mama, na Njoo ufanyiwe maombi, Tega sikio, Inua macho, Omba msamaha, Maisha ni foleni, Ndio Bwana na Ni kwa neema.

JANE MISSO KUZINDUA ALBAM YA UINULIWE

2010-09-16T23:12:00.001-07:00

Mkali wa muziki wa Injili nchini Jane Miso anatarajia kuzindua albamu yake mpya inayokwenda kwa jina la Uinuliwa Bwana ambayo imekuwa kitamba katika vyombo mbalimbali vya habari. Uzinduzi huo unatarajia kufanyika Septemba 19 ndani ya Ukumbi wa Diamond Jubilee na atasindikizwa na wakali wenzake kama Christina Shusho, Steve Wambura, Joseph Nyuki, Upendo Nkone na wengine wengi. Uzinduzi wa albamu hiyo unakuja baada ya muimbaji huyo kutamba na album yake ya OMOYO aliyoimba kwa lugha ya kisukuma. Ndani ya albam hiyo kuna kibao kinachokwenda kwa jina la MOTEMA yenye mahadhi ya Lingala ikiwa ni tafasiri ya wimbo wa Omoyo. Albam hiyo itakuwa katika mfumo wa CD na Video.

ZISIKILIZE NYIMBO HIZO MBILI KWA MAKINI, WENGI ZIMEWAHUDUMIA, ZISIKILIZE NA KUZIANGALIA KWA KUMANISHA

2010-09-10T05:20:00.000-07:00

UPENDO NKONE APONGEZWA KUPATA MUME

2010-09-10T04:58:00.000-07:00

Ikiwa umebaki mwezi mmoja kwa muimbaji wa Injili nchini Upendo Nkone kuanza maisha mapya ya ndoa, wapenzi wa muziki wake wamempongeza kwa kuwa na uvumilivu kwa muda wa miaka 9 ya ujane tangu aondokewe na mumewe kipenzi. Wakizungumza kwa nyakati tofauti na mtandao huu jijini Dar es Salaam hivi karibuni, wadau hao wa gospel walisema kuwa, kujitunza kwa mujimbaji huyo na kuwa na ushuhuda mzuri mbele ya jamii, ni kitu ya kupongezwa na kila mtu kwani wajane wengi hushindwa kuvumilia na kujikuta wanatumbukia katika dimbwi la uasherati kwa kificho. Mwimbaji huyo anatarajiwa kufunga pingu za maisha Oktoba 17 mwaka huu (2010) na Mchungaji John Mbeyela ambaye pia ni anadaiwa kuwa mjane mwenye watoto watatu. Habari kutoka ndani ya kamati ya maandalizi ya ndoa hiyo zinasema shughuli hiyo itafanyika kanisa la Naioth kwa Mchungaji Mwasota jijini Dar.

Mkali huyo wa nyimbo zenye mguso wa ajabu ana jumla ya album tatu ambazo ni Mungu Baba, Hapa Nilipo na Zipo faida inayotamba kwa sasa sokoni ndani na nje ya nchi. (Picha kwa hisani ya mtandao wa kilinyepes).

KARIBU HUDUMA YA NENO LA UPATANISHO KIVULE BUSITANI YA EDEN ZAMANI MATEMBELE YA KWANZA

2010-09-10T00:55:00.000-07:00

Picha mbali mbali zinamuonesha Kabula George akiwa katika matukio mbalimbali, moja katiki ya hizo ni George Kayala akinawishwa miguu na Mpakwa mafuta wa Mungu Askofu Nicolaus Suguye. Picha ninyinge Kabula akiwa na muimbaji wa muziki wa injili kutoka Moshi Renatha Samba.

MUNISHI AJA NA KIBAO CHA KUOMBEA KATIBA KENYA

2010-06-24T22:46:00.000-07:00

BONY MWAITEGE AIBUKA UPYA

2010-06-08T21:41:00.000-07:00

Baada ya kukaa kimya kwa muda mrefu bila kusikika katika anga ya injili, hatimaye muimbaji maarufu wa muziki huo Bony Mwaitege aliyetamba sana na wimbo kinao cha Utanitambuaje kama nimeokoka, ameibuka na albamu mpya inayokwenda kwa jina la Mama ambayo imeanza kusikika katika vituo mbalimbali vya radio hapa nchini.

Kuibuka upya kwa muimbaji huyo kunamaliza maswali yaliyokuwa yanaulizwa na watu mbalimbali juu ya ukimya wake aliokuwa nao huku wengine wakisema kuwa aliishiwa maishari. Kwa habari zaidi juu ya mwimbaji huyo endelea kufuatilia kupitia mtandao huu.

MUNGU NI MWEMA KWETU

2010-06-04T01:06:00.000-07:00

Hapa nilikuwa kanisani nikimwabudu Mungu wangu

Nimatumaini yangu kuwa wote ni wazima, naomba radhi kwa ukimya wa siku nyingi nimekuwa kimya kidogo kutokana na mambo yaliyokinyume na uwezo wangu. Ni imani yangu kuwa kuanzia sasa nitakuwa nawaletea tena matukio mbalimbali kutoka ndani na nje ya nchi. Pina nakaribisha maoni yako juu ya blogo hii pia unaruhusiwa kutuma habari yako popote pale ulipo pamoja na picha yako.

Hii ni nafasi pekee kwako kutangaza huduma yako kupitia mtandao huu unaosomwa na watu wengi.

JIHADHARINI NA MANABII WA UONGO

2010-04-24T07:12:00.000-07:00

Ndugu zangu katika Bwana Yesu Kristo, nawaomba wote muwe makini kipindi hiki ambapo tayari Manabii wa uongo tayari wamesingia na wanafanya kazi kama watumishi wa Mungu wa kweli. Hawa utawajuaje, huwezi kuwatambua kwa kuwatazama kwa macho ukawatambua, lakini utawatambua kwa matendo yao.

Yesu alilionya kanisa lake kuhusu makristo wa uwongo. Imo katika Biblia, Mathayo 7:15, 21-23 "Jihadharini na manabii wa uongo watu wanowajia wamevaa mavazi ya kondoo, walakini kwa ndani ni mbwa wa mwitu wakali. 21-23, Si kila mtu aniambiaye Bwana, Bwana atakayeingia katika ufalme wa mbinguni; bali ni yeye afanyaye mapenzi ya baba yangu aliye mbinguni. Wengi wataniambia siku ile, Bwana, Bwana hatukufanya unabii kwa jina lako kutoa pepo, na kwa jina lako kufanya miujiza mingi? Ndipo nitawaambia dhahiri, sikuwajua ninyi kamwe; ondokeni kwangu ninyi mtendao maovu." Yesu alilionya kanisa lake kuwa kitambo kidogo kabla ya kuja kwake mara ya pili yule anayempinga Kristo atajaribu kufanana naye Yesu hasa kuwaambia watu kuwa yesu amerudu mara ya pili Imeandikwa Mathayo 24:4, 5, 24-26 "Yesu akajibu, akawaambia angalieni mtu asiwadanganye. Kwa sababu wengi watakuja kwa jina langu wakisema, Mimi ni Kristo; nao watadanganya wengi. 24-26 Kwa maana watatokea makristo wa uongo, na manabii wa uongo, nao watatoa ishara kubwa na maajabu; wapate kuwapoteza, kama yamkini, hata walio wateule. Tazama, nimekwisha kuwaonya mbele. Basi wakiwaambia yuko jangwani, msitoke; yumo nyumbani, msisadiki." 2 Wathesalonike 2:3 - 4 "Mtu awayeyote asiwadangaye kwa njia yo yote maana haiji, usipokuja kwanza ule ukengeufu akafunuliwa yule mtu wa kuasi, mwana wa uharibifu; yule mpingamizi, ajiinuaye nafsi yake juu ya kila kiitwacho Mungu, ama kuabudiwa hata yeye mwenyewe kuketi katika hekalu la Mungu, akijionyesha nafsi yake kana kwamba yeye ndiye Mungu."

2 Wathesalonike 2:8-10 "Hapo ndipo atakapofunuliwa yule asi, ambapo Bwana Yesu atamwua kwa pumzi ya kinywa chake, na kumwangamiza kwa ufunuo wa kuwapo kwake; yule ambaye kuja kwake ni kwa mfano wa kutenda kwake shetani kwa uwezo wote na ishara na ajabu za uongo na katika madanganyo yote ya udhalimu kwa hao wanao potea kwa sababu hakuipenda ile kweli wapate kuokolewa."

ASKOFU AISHI NA WAKE WAWILI

2010-04-24T07:03:00.001-07:00

Ni dhahiri sasa kuwa dunia inaelekea ukingoni, matukio yaliyotabiriwa na manabii wa kale yanazidi kutimia, na mfano hai ni Askofu Mkuu wa huduma iliyojitwalia umarufu mkubwa ndani ya mkoa mmoja mashuhuri nchini ambaye anakabiliwa na skendo ya kuishi na wanawake wawili.

Habari za uhakika zimepenya ndani ya mtandao huu zinasema kuwa, askofu huyo ambaye siku za nyuma alifanikiwa kujikusanyia kondoo wengi kutokana na huduma yake, anadaiwa kumuweka kinyumbaa katibu muhtasi wake ambaye ni mke wa muumini wake.

Mpenyesha habari wetu aliendelea kudokeza kuwa, siku moja askofu huyo aliibuka katika huduma yake na kutangaza kuwa Bwana amemuonesha mwanamke anayeishi naye si mkewe bali ubavu wake ni mke wa muumini wake ambaye alipaswa kumuoa.

Alisema, baada ya kutolewa kwa kauli hiyo na Mtumishi huyo wa Mungu, baadhi ya waumini waliinamisha vichwa vyao chini huku kila mmoja akisema lake, na wengine kuamua kujiengua kwa madai kuwa wanakopelekwa siko.

“Mimi nilikuwa muumini wake, nilishuhudia askofu akitamka uchafu huo mbele ya madhabahu ya Mungu, hakika moyo wangu uliumia kiasi kwamba nikakosa amani ya kuendelea kuabudu mahali hapo,” kilisema chanzo chetu na kuongeza:

“Anayoyafanya Mtumishi huyo ni abu. Ukiacha suala la kumuweka kinyumba muumini huyo, kuna wanawake wengi sana amewaangusha katika dhambi ya uzinzi na baadhi yao ndoa zao zimevunjika kwa sababu walikuwa wepesi wa kukubali kufanya mapenzi na askofu huyo.”

Mtoa habari wetu ambaye baada ya kujinasua kwenye kanisa hilo, naye aliamua kuanzisha huduma yake, aliendelea kusema: “Hakuna mwanamke mrembo aliyeabudu kanisani hapo asimwangushe katika dhambi ya uzinzi. Wengi wao amekuwa akizini nao kwa mgongo wa kwenda kuwaombea kwenye chumba maalum.”

Baada ya kupenyezewa habari hizo, gazeti hili lilimwendea hewani mke halisi wa Mtumishi huyo ambaye alikanusha madai ya mumewe kuwa na nyumba ndogo.

Hata hivyo, Mtumishi huyo ambaye kwa sasa amehamishia huduma yake jijini Dar, hakauweza kupatikana kwa sababu yupo nje ya nchi.

Pamoja na hivyo, mtandao huu ulifanikiwa kuzungumza na baadhi ya watumishi wa Mungu ambao walielezea mitazamo yao juu ya mtumishi huyo wa Mungu ambaye mara nyingi hujiita Nabii.

Askofu Nicholas Suguye wa Huduma ya Neno la Upatanisho iliyopo Bustani ya Edeni Kitunda Kivule, Dar es Salaam alisema kuwa yeye binafsi anakerwa na na kitendo cha mtumishi mwenzao kufanya hivyo, kwani hata waumini anaowaongoza ameshawaambukiza roho hiyo ndiyo maana wamekuwa wepesi kuanguka nao kwenye dhambi ya uzinzi.

Suguye, aliwataka Watanzania kujihadhari na manabii wa uongo wanaovaa ngozi ya kondoo, kumbe ndani ni mbwa mwitu wakali kwa sababu mti mbaya hauwezi kuzaa matunda mazuri.

“Kipindi hiki Watanzania wanatakiwa kuwa makini kwani manabii wa uongo tayari wapo. Biblia inasema kuwa, kila mti usiozaa matunda mazuri hukatwa katwa na kutupwa motoni na watatambuliwa kwa matunda yao.''

“Si kila mtu anayesema, `Bwana, Bwana,' ataingia katika Ufalme wa mbinguni, ila ni wale wanaofanya mapenzi ya Baba na siku ile itakapofika wengi watamwambia: Bwana, Bwana, hatukutoa unabii na kufukuza pepo kwa jina lako,” alisema Suguye.

Kwa upande wa Mchungaji Christophila Kalata wa Kanisa la Kiinjili la Kilutheri Tanzania (KKKT), aliliambia Risasi Jumamosi kuwa anatambua kila kitu kuhusu Mtumishi huyo na skendo yake ya kuishi na wake wawili.

“Namtambua huyo Mtumishi, najua kwamba anaishi na wake wawili, pia yapo mengi. Kimsingi ni kwamba hafai kuitwa Askofu na ni vema huduma mpya ikaingia kwenye Kanisa lake ili kuwaokoa kondoo wanaoangamia kupitia mgongo wake,” alisema Christophila.

JICHO LA MUZIKI WA INJILI

2010-04-24T06:59:00.000-07:00

Waimbaji wengi wa muziki wa Injili watatupwa motoni

NI siku nyingine imempendeza Mungu tukutane katika safu hii mpya itakayokuwa inazungumzia masuala ya muziki wa Injili ikienda kwa jina la ‘Jicho la Muziki wa Injili’. (Kabula akiwa na Mchungaji Anna Suguye wakiwa kanisani)Nimeamua kuwa naandika masuala haya ili kuwaponya watumishi wengi wa Mungu ambao shetani amekamata ufahamu wao na kujikuta wanafanya dhambi bila wao kujijua. Leo hii baadhi ya waimbaji wa nyimbo za Injili wanaimba nyimbo zenye ujumbe mzito wa kumtukuza Mungu huku wakifanya mambo ambayo hayaendani na wanachokihubiri kwa njia hiyo ya uimbaji.

Yawezekana wewe unaweza ukawa shahidi wa hili ninalolizungumza leo katika safu hii. Hakuna asiyetambua kwamba muziki wa Injili kwa kiasi kikubwa umekuwa ukiwasaidia watu wengi walio kwenye dimbwi la kufanya maovu kuachana na tabia hiyo na kumrudia Muumba wao kwa kuokoka kutokana na maneno mazito na yenye ushawishi ambayo hutumiwa na muimbaji binafsi, kwaya ama kikundi.

Kitu cha kusikitisha katika hili ni kwamba, baadhi ya waimbaji wa muziki huo wameonekana kama kibao cha matangazo kinachomwelekeza mtu kwenda sehemu anayotaka kwenda kama haijui. Matangazo ama mabango mengi ya namna hiyo yamefanyika msaada mkubwa kwa kuwafikisha watu sehemu husika bila usumbufu huku menyewe yakibaki hapo mpaka wakati mwingine yanaota kutu.

Mbali na kuonekana kutoa msaada mkubwa kwa wahusika lakini bango mwisho wa siku hung’olewa na kwenda kutupwa jalalani baada ya kuchakaa na kuonekana uchafu sehemu husika. Leo hii baadhi ya waimbaji wa muziki wa Injili wamekuwa kama mabango ya kuelekeza watu kuachana na maovu na mwisho wa siku kufika salama kwa Muumba wao huku wao wakibaki palepale.

Waimbaji hao asilimia kubwa wamekuwa wakifanya usanii wakati wa kuimba madhabahuni kwa kuonekana wanaimba katika roho na kweli mpaka watu wanabarikiwa kutokana na kuimba kwa ustadi wa hali ya juu na sauti zilizopangiliwa vema.

Kama unafikiri nakudanganya, jaribu kuchunguza kwa umakini, waimbaji wengi leo hii ni waasherati wakubwa, tena wanachukuana wao kwa wao ndani ya kwaya na vikundi vyao. Utakuta wanakwaya wanafanya uchafu huo kwa siri kubwa na hao hao wanasimama kwenye madhabahu kuimba nyimbo za kukemea kuachana na maovu pasipo kuangalia kibanzi kilicho ndani ya macho yao.

Ukifanikiwa kusikiliza nyimbo zao radioni ama kwenye luninga kwa waliofanikiwa kurekodi, utawaona wanaimba kwa kuhisia kali kana kwamba hata leo Masihi akiwachukua wanaenda moja kwa moja peponi, lakini ukweli ni kwamba huo ni usanii pekee na siku ya mwisho nafikiri ndiyo watakuwa wa kwanza kutupwa motoni.

Mimi sielewi ni Mungu yupi wanaomtumika waimbaji wenye tabia hiyo chafu, kwa maana mbali na kufanya uasherati, watumishi hao hao ndiyo walevi, wasengenyaji, wadokozi, wambeya na wenye maneno machafu kinywani mwao.

Inauma sana unaposikia baadhi ya waimbaji wanaenda kwa waganga wa kienyeji kwa lengo la kusafisha nyota zao ili nyimbo zao zipate kibali machoni mwa Watanzania na hata nje ya nchi. Bila aibu baadhi yao huwa wanafukiza dawa kabla ya kupanda madhabahuni ili anatakapopewa nafasi kuimba kila mmoja amfurahie na ikiwa pamoja na kutuzwa fedha kutokana na uimbaji mzuri.

Sasa unaweza kujiuliza swali: Je, inakuwaje watu hawa wanatenda maovu na wanaimba kwa upako lakini Mungu bado amewaruhusu kufanya hivyo? Jibu ni kwamba kipindi hiki ni cha neema, Mungu anakuwa kama hawaoni, lakini ukweli ni kwamba ipo siku atakuja kuwafedhehesha saa na majira wasiyoyajua.

Kinachowaponza waimbaji wengi ni kitendo cha kuathiliwa na tabia zao walizokuwa nazo kabla ya kuokoka, hivyo wasiposimama imara hujikuta wanarudi walikotoka huku wakiona wanachokifanya ni sasa.

Ieleweke kuwa kuokoka ni rahisi lakini kuutunza wokovu ni kazi kubwa, ndiyo maana waimbaji hao ambao huokoka baada ya kupanda neno la Mungu mioyoni, wasiposimama imara hujikuta wanarudi nyuma kutokana na kukumbuka walikotoka.

Maji ya uponyaji yazua utata nchini

2010-04-16T21:21:00.001-07:00

Mtafaruku mkubwa umeibuka katika makanisa mbalimbali nchini kuhusu uhalali wa utumiaji wa maji ya uponyaji (Anointed Water) ambayo yamekuwa yakiingizwa kwa kasi kubwa na watumishi wa kiroho kwa ajili ya kuwahudumia kondoo wao wenye matatizo mbalimbali.

Uchunguzi wa kina uliofanywa na gazeti hili umebaini kuwa, mtafaruku wa maji hayo unatokana na baadhi ya wachungaji huwatoza fedha kidogo kondoo wao kwa madai ya kuwa wanachangia gharama za kuyasafirisha kutoka Israel ama Nigeria.

Upekuzi huo umebaini kuwa, kwa miaka ya hivi karibuni, maji mengi yanatolewa bure na mtumishi wa Mungu, Nabii Temitope Balogun Joshua a.k.a TB. Joshua ambaye ni mwangalizi wa The Synagogue Church of All Nations (SCOAN) nchini

Nigeria

Hivi karubuni, mchungaji mmoja alitua nchini akiwa na maji hayo kutoka kwa TB Joshua na kuanza kuwauzia waumini wake kwa lugha ya kuchagia kidogo gharama za usafirishaji kutoka Nigeria hali ambayo imetafasiriwa na watu wengine kwamba si sahihi.

Mbali na kuwatoza fedha kidogo waumini wake, mchungaji huyo inasemekana ameleta maji ya Kichina (feki) kutokana na kukosa nembo ya TB Joshua ambaye kanisa lake hujaza watu wazito kutoka nchi mbalimbali.

“Maji ya uponyaji yaliyoingizwa nchini na mchungaji (anamta jina) ni feki kwa sababu hayana hata picha za Nabii TB Joshua, na amekuwa akiwapulizia waumini wake kwa kuwatoza kiasi kidogo cha fedha kwa kutumia lugha ya kuchangia gharama aliyotumia kuyasafirishia kutoka Nigeria wakati yeye alipewa bure,” alisema mchungaji wa kanisa moja lililopo jijini Dar es Salaam.

Kama kawaida yetu baada ya kupata nyeti hizo, gazeti hili lilimsaka kwa udi na uvumba mchungaji anayetumia maji hayo kujitajirisha kiana kupitia huduma hiyo na lilipompata kisha kumuwekea tuhuma zake mezani, aliruka futi mia kwa maelezo kwamba madai hayo si ya kweli.

“Siyo kweli kwamba maji haya ni feki kama inavyodaiwa na baadhi wa wachungaji wenzangu, wakati nayachukua kutoka kwa TB Joshua niliacha kuna mengine yanatengenezwa na yametoka hivi karibuni, kwa mantiki hiyo kusema haya ni ya Kichina wanakosea.

“Kuhusu suala ya kuwatoza fedha waumini wangu na watu ninao wahudumia hili nalo si kweli, isipokuwa huwa wanachangia kiasi kidogo cha pesa kama kurudisha gharama ya pesa nilizotumia wakati wa kuzisafirisha,” alisema mchungaji huyo mwenye mwili mnene kidogo na kijipara cha mbali.

Mchungaji huyo aliongeza kuwa ili kuthibitisha kuwa maji hayo si feki tayari ameshaongea na TB Joshua kuja nchini kwa ajili ya kutoa ufafanuzi wa maji hayo na kukata kilimi cha watu wanaompakazia maneno ya kizushi yenye lengo la kuua huduma yake ambayo ameihangaikia kwa muda mrefu.

Wakati mchungaji huyo akipangua tuhuma hizo, kuna baadhi ya watumishi wa Mungu ambao wamekuwa wakipinga huduma hiyo ya maji na kusema kuwa, kufanya hivyo ni sawa na kuyaabudu.

Mmoja wa watumishi hao ambaye amekuwa mstari wa mbele kupinga huduma za wenzake hasa wanaotumia maji, vitambaa, fungo za gari, sabuni na nguo kuwaombea waumini alisema kuwa, leo hii Watanzania wamekuwa kama vile wamerongwa kwani wamekuwa wanaangalia ni kanisa lipi linatenda miujiza na kukimbilia.

Mchungaji huyo mwenye sifa za kutumia muda mwingi kuhubiri habari za kuponda huduma za wenzake alisema kuwa Watanzania wasipojihadhari na mlipuko wa miujiza unaofanywa na watumishi wenzake watajikuta mwisho wa siku wanaangukia motoni.

Frola Mbasha: Nilianza kuona aibu kucheza ngoma za asili nilipofika darasa la saba, pia walikuwa wananiita mama Asha sababu ya kupenda midoli

2010-04-16T07:36:00.000-07:00

Wapendwa wasomaji wa blog nzuri ambayo imekuwa ikielezea maisha na kazi za waimbaji wa muziki wa injili nchini leo ninaye Frola Mbasha ambaye naamini kila mmoja wetu anamfahamu kutokana na makeke yake awapo jukwaani.

Frola pia amebahatika kuwa na kibali katika jamii kutokana na ujumbe wa nyimbo zake kuwa na mguso wa aina yake kwa kila anayefanikiwa kuzisikiliza ama kuziona kwa njia ya video. (Pichani kushoto ni Flora Mbasha enzi ya utoto wake aliyeshika daftari)

TGM iliamua kuchoma mafuta mpaka anakoishi Frola na Tabata jijini Dar es Salaam na nilipofika mambo yalikuwa hivi.

TGM: Hodi hapa nyumbani.

FLORA: Karibu, nani mwenzangu.

TGM: Toka nje, wewe utanijuaje kama utakuwa ndani.

FROLA: Siunajua tena jiji hili limeshachafuka, unaweza ukatoka kichwa kichwa ukakutana na vibaka.

TGM: Hapana uwe na amani kabisa hii ni SIDE B leo imeamua kuja kukutembelea.

FLORA: Aman, karibu sana mdau.

TGM: Nashukuru. Bwana Yesu asifiwe

FLORA: Amen, za uzima.

TGM: Nzuri, Mungu ananisaidia.

FLORA: Haya nakusikiliza kwa maana nyingi mkionekana kwa mtu ni lazima kuwe na jambo. Nikijaribu kuangalia kila eneo naona niko salama sina sikendo hata kidogo na sitaki hali hiyo initokee maishani mwangu.

TGM: Wala usihofu mimi nimekuja kwa mema tu. Tatizo lenu wasanii ni hilo, mkiona waandishi tu mnafikiria masuala ya skendo.

FLORA: Nikweli, japo mimi huwa sifikirii sana ishu kama hivyo kwa sababu Mungu ananisaidia nisifanye mambo yaliyokinyume na mapenzi yake.

TGM: Ok. Twende kwenye pointi, nimekuja kwako kutaka kujua maisha yako kwa ujumla pamoja na huduma yako.(Pichani kulia Flora akiwa na watoto wenzake)

FLORA: Kwanza kabisa mimi nilizaliwa tarehe 1 Juni 1983 katika hospitali ya Hindu Mandhal mjini Mwanza. Baba yangu anaitwa Henry Joseph Mayalah ambaye kwa sasa ni marehemu. Mama yangu anaitwa Calorin Moses Kulola. Katika familia yetu tumezaliwa watoto wa 5, wa kiume ni mmoja aitwaye Benjamini na wakike tupo wa nne, mimi nikiwa wa pili kuzaliwa, akafuata Dorcus, Suzan na wa Mwisho akiwa ni Esther.

TGM: Tanzania ni nchi yenye amani. Watu huulizana makabila ili wapate kutaniana vizuri kwa lengo la kudumisha undugu. Niambie wewe ni kabila gani?

FLORA: Sisi ni Wasukuma wa Sengerema wilaya ambayo imo ndani ya mkoa wa Mwanza. Nimekulia katika maadili ya dini ya Kikristo, babu yangu akiwa ni Askofu mkuu wa kanisa la Evangelistic Assembilies of God. Babu na bibi yangu mpenzi Elizabeth ndiyo walionilea kwa pamoja wakishirikiana na mama yangu mpendwa.

TGM: Huduma ya uimbaji uliianza lini.

FLORA: Nilianza kuimba nikiwa darasa la tatu. Wakati huo nilikuwa nikienda na mama zangu wadogo kwenye kwaya hadi nilipokuwa na umri wa miaka kumi na tatu na ndipo nilipoanza rasmi kuimba kwaya ya kanisani na kuimbisha baadhi ya nyimbo.

TGM: Inamaana mumeo Emmanuel Mbasha alikuoa ukiwa mwimbaji wa kwaya ama ulikuwa unaimba peke yako?

FLORA: Alinioa nikiwa naimba katika Word Alive Band na baada ya kufunga ndoa Septemba 22 2002 mwaka 2002 tulianza kuimba pamoja na mume wangu tukiwa. Mungu alitusaidia mwaka 2003 nikajifungua binti mrembo aitwae Elizabeth, jambo hili hunifanya nimshukuru Mungu kwa kutupa mtoto huyo. Mwaka wa 2004 nilifanikiwa kurekodi album yangu ya kwanza niliyoita "JIPE MOYO" ikiwa na nyimbo 10.

TGM: Nikitu gani ambacho ulikipenda sana kipindi cha utoto wako.

FLORA: Nilipenda sana kusikiliza nyimbo za dini kutokana na familia yetu kuwa katika mazingira ya kidini zaidi. Pamoja na hayo nilikuwa nafuatilia kwa ukaribu sana nyimbo za Maria Kelly na Celine Dion. Vibao vya akina dada hao vilikuwa vinaukosha moyo wangu na kunifanya niwe na kazi ya kuzirekodi nyimbo zako kisha kujizimba kwa kwa sauti ya juu kama wao.

TGM: Nyimbo hizo ni za kidunia, na wewe ulikuwa katika maadili ya dini ya kikristo, hukuona kama ulikuwa unafanya makosa kufanya hivyo?(Kulia Flora akiwa na Christina Shusho jinsi alivyo sasa).

FLORA: Hapana kipindi hicho nilikuwa sielewi kama nilikuwa nafanya makosa bali nilikuwa najifunza hasa sauti zao. Kutokana na kuvutiwa na uimbaji wao nililazimika kununua daftari na kuziandika nyimbo hizo na kuzikariri mpaka nikazifahamu zote. Baada ya kuzikariri nikawa na kazi ya kuziimba hasa nyakati za usiku nilikuwa silali mapema kwa sababu ya kuimba nyimbo zao.

TGM: Ok, baada ya kuzikariri na kuziimba nyimbo hizo uliambulia nini katika maisha yako.

FLORA: Kicheko kidogo. Unajua wasanii hao naweza kusema ndiyo walimu wangu wa sauti kwa sababu kipindi hicho nilikuwa naimba wimbo kwa ‘kii’ ya juu ambayo waimbaji wengi inawashinda, na ndiyo maana mpaka leo hii nyimbo zangu huwa naziimba kwa sauti ya juu sana na kisha nashusha. Na mimi sijaenda kusomea masuala ya muziki na kupata zoezi la kuimba kwa ‘kii’ ya juu.

TGM: Mbali na kupenda nyimbo za wasanii hao kutoka ‘mamtoni’ ni mchezo gani mwingine ambao ulikuwa unapenda kuucheza enzi za utoto wako.

FLORA: Duh! Jamani maswali hayaishi tu? Any way, hakuna mchezo ambao nilikuwa naupenda sana kama ngoma za asili hasa nilipokuwa shuleni. Kila niliposikia kuna maandalizi ya tamasha, kongamano ama umitashumita nilijawa na furaha moyoni mwangu na nilikuwa nafanya mazoezi kwa kujituma kiasi kwamba walimu na wanafunzi wenzangu walinipenda.

TGM: Mlikuwa mnacheza ngoma gani?

FLORA: Tulikuwa tunacheza ngoma za makabila mbalimbali na wakati mwingine tulikuwa tunavaa nguo fupi na baadhi ya maungo yalikuwa wazi. Lakini nilipofika darasa la saba nilianza kuona aibu kucheza nimevaa hivyo mbele za watu na ndiyo ulikuwa mwisho wangu wa kucheza ngoma za asili.

TGM: Ulijiona umekua ama?

FLORA: Ndiyo. Kicheko, si unajua tena masuala ya kiutu uzima yakianza kumuingia mtu, baadhi ya mambo aliyokuwa anayafanya bila kuona aibu anaanza kufanya hivyo.

TGM: Najua kila mtoto huwa anapitia kwenye hatua ya kuigiza kama baba na mama, wakati mwingine kujipikisha ugali, wali wa mchanga kwa imani kabisa kuwa ni chakula safi na kazi nyingine nyingi. Jew ewe unakumbuka mchezo gani ambao leo hii ukiukumbuka huwa unacheka pekeyako kutokana na ulivyokuwa unaigiza?

FLORA: Kicho kidogo. Unajua wakati mwingine ukiyafikiria maisha ya utoto utabaini yanaraha sana. Mimi nilipenda sana kuigiza nikiwa mzazi na nilifanikiwa kumpeda mdoli ambao niliuita Asha. Watoto wenzangu walikazoea kuniita Mama Asha. Jina hilo lilizoeleka shuleni na hata nyumbani, jina la Frola baadhi yao walilisahau.

TGM: Mbali na kupenda sana doli, ni mchezo gani mwingine ambao ulikuwa unakufahisha ulipokuwa unakutana na watoto wenzako.

FLORA: Nilipenda sana kucheza mchezo wa lede kwa sababu nilikuwa mwepesi wa kuruka.

TGM: Nasikia enzi za utoto wako wako ulikuwa mtundu sana kiasi kwamba wazazi wako wakawa wanakuchapa viboko mara kwa mara.

FLORA: Mh! Nikweli lakini haikuwa sana kama unavyofikiri, naamini suala la mtoto kuchapwa na wazazi wake hilo huwa halikwepeki. Lakini Namshukuru Mungu muda mwingi nilikuwa nafanya vitu ambavyo wazazi wangu walikuwa wanavikubali.

TGM: Nijambo gani ambalo ulilifanya utoto na kipindi hiki ukilikumbuka huwa unajishangaa kama ni wewe uliyekuwa unafanya hivyo?

FLORA: (Kicheo kidogo). Ni suala la kuitwa mama Asha, muda wote huo nilikuwa najiona kama tayari nimesha zaa. Hiyo ilitokana na kuupenda sana mdoli wangu ambao nilikuwa nalazimika kulala nao kitandani, na wazazi wangu walipokuwa wakininyanganya nilikuwa nalia kweli mpaka wananionea huruma na wananirudishia.

TGM: Nikitu gani ambacho ulikuwa unakiogopa sana utotoni mwako? Nilikuwa naogopa kuchwa fimbo na wazazi wangu, mara nyingi nilikuwa najitahidi kufanya kwa makini kila nililokuwa naaelekezwa ilimradi tu nisitandikwe bakora.

TGM: Unakumbuka kwa mara ya mwisho kuchapwa fimbo na wazazi wako ilikuwa mwaka gani.

FLORA: Mh! Kwakweli sikumbuki hata kidogo.

TGM: Nikitu gani ambacho ulikuwa unapenda kukifanya ukubwani kama ulivyo sasa?

FLORA: Nilipenda sana niwe injinia wa kopyuta na umeme, japo ndoto hii haijatimia lakini naamini ipo siku nitapiga kitabu kwa lengo la kuyafikia malengo yangu.

TGM: Wakati tunamalizia mazungumzo yetu kuhusiana na masuala ya maisha yako ya utotoni, hebu sasa tuangalie ya sasa. Wewe ni muimbaji uliyefanikiwa kupata jina ndani na nje ya nchi. Kwa nini umeanza kupoteza mashabiki wako kama ilivyokuwa kipindi cha nyuma.

FLORA: Siyo kweli mimi bado ninamashabiki kibao, ila kuna baadhi ya watu wamekuwa wakidai kwamba hawanielewi kutokana na nyimbo zangu za sasa.

TGM: Kivipi tena.(Kushoto Frola akiwa na kundi laki akiwa katika kumtukuza Mungu, katikati ni mumewe Emmanuel Mbasha)

FLORA: Kuna baadhi ya watu wanadai kutonielewa kwa sababu wakati mwingine nimekuwa najichanganya na wanamuziki wa kimataifa na hasa niliposhiriki tamasha la ‘Zinduka’ hivi karibuni.

TGM: Lakini si nikweli? Iweje wewe unaimbaji muziki wa injili kisha unapanda jukwaa moja wana wasanii wa muziki wa kidunia?

FLORA: Mimi kuwa muimbaji wa nyimbo za Injili, hakunizuii kushiriki katika matamasha yenye lengo la kulitetea taifa hasa kweny kampeni hiyo ya kupambana na ugonjwa wa malaria.

TGM: Mbali na uimbaji wa muziki wa injili, kazi gani nyingine unayofanya?

FLORA: Aslimia 90 natgemea muzuki na wala sina kazi yoyoye zaidi ya kufuga kuku wa nyama.

TGM: Nakushukuru sana kwa ushirikiano wako kwangu, nakutakia huduma njema.

FLORA: Karibu tena siku nyingi.

Frank John Litambo ‘Mungu akikuinua hakuna wa kukushusha’

2010-04-16T02:19:00.000-07:00

Muziki wa Injili unaendelea kujipatia mashabiki wengi hapa Tanzania kama ilivyo katika nchi nyingine za Afrika kwa mfano, Afrika Kusini, Nigeria,

Kenya

, Jamhuri ya Kidemokrasia ya Kongo (DRC) ambazo miaka ya hivi karibuni zimekuwa ni mifano bora kwenye maendeleo ya muziki huo.

Kwa sasa waimbaji wengi wa Kitanzania wameendelea kufuata za nyayo za wakali wengine wakubwa dunia kama Marymary, Makoma, Midnight Crew ambao kwa kiwango kikubwa wamekuwa ni mifano kwa waimbaji wa maeneo mengine duniani.

Mwinjilisti Frank John Litambo ambaye ni mmoja wa waimbaji wa muziki wa Injili hapa Tanzania kwa kuda mrefu sasa ameendelea kufanya harakati kwenye muziki huo kwa kushirikiana na waimbaji wengine wa ndani na nje ya taifa hili.

Akizungumzia harakati zake ndefu na mafanikio ambayo ameyafikia, Litambo anasema kuwa kuna mengi amepitia lakini anamshukuru Mungu kwa kumuwezesha kuendelea kuifanya kazi hiyo kwa mafanikio licha ya vikwazo mbalimbali alivyokutana navyo.

“Nina kila sababu ya kushukuru kwa maana hatua hii niliyofikia si jambo rahisi naamini kuwa Mungu akiamua kukupandisha hakuna anayeweza kukushusha.

“Kwa mantiki hiyo ni wazi kuwa kuingia kwangu kwenye muziki wa Injili halikuwa ni jambo la kutaka ila ulikuwa ni wito kutoka kwa Mungu, ndiyo sababu nimeendelea kuwepo hadi sasa,” ameongeza muimbaji huyo ambaye yupo ndani ya fani hiyo kwa miaka sita sasa.

Baada ya kufanya utumishi huo kwa muda mrefu hivi sasa Muinjilisti Litambo ametoka tena na kazi mpya ikiwa ni ya pili ambayo tofauti na kazi nyingine ameamua kufanya uzinduzi kwa njia ya hisani kwa ajili ya kuwasaidia watoto wenye ulemavu wa masikio (viziwi) utakaofanyika Mei 9 mwaka huu.

“Katika albam yangu hii uzinduzi wake utakuwa ni tofauti kwa kuwa nimelenga kupeleka fedha kwa watu wenye matatizo katika jamii, miongoni mwao ni watoto wasiokuwa na uwezo wa kusikia.

“Kwenye jambo hili nimeshirikiana na viongozi wa dini na wanasiasa ili kulifanikisha naamini huu ni mchango wao mkubwa katika jamii inayowazunguka,” amefafanua muimbaji huyo.

Ndani ya hafla hiyo atasindikizwa na waimbaji mbalimbali wa Injili kutoka

Tanzania

ambao ni Ambwene Mwasongwe, Sifa John, Victor Aron, Catherine Ntepa, KKKT Unjilisti Kijitonyama na The Messengers Band.

Katika albam hiyo ya pili kwa Muinjuilisti huyo imebeba jumla ya nyimbo nane ndani yake ambazo baadhi yake ni Mama, Atatufuta Machozi, Yatima, Ndoa na nyingine nyingi.

SOLOMONI MUKUBWA KUFUNGA PINGU ZA MAISHA LEO

2010-04-09T22:27:00.001-07:00

Mwimbaji wa muziki wa Injili nchini

Kenya

, Solomon Mukubwa leo (Jumamosi) anafunga pingu za maisha na Bi. Betyy katika kanisa moja la Kiroho maarufu nchini humo.

Habari kutoka nchini Kenya zimedai kuwa, harusi ya mtumishi huyo wa Mungu inatatarajia kukusasa watu wengi kutokana umarufu alionao kwa sasa muimbaji huyo ndani na nje. TGM inamtakiwa baraka njema Solomon na tunamkaribia pia katika ulimwengu wa ndoa wenye raha za kila namna. Harusi hiyo inatarajiwa pia kuhudhuriwa na waimbaji mbalimbali wa muzuki huo kutoka ndani na nje nchi ya Kenya. Solomoni anatesa na albamu yake ya Mfalme wa Amani. (Picha kwa hisani ya blogo ya Jiachie) Pichani Solomon Akiwa na mkali wa muziki huo hapa nchini Rose Muhando.

Pastor Wambura - Sijaukana ulokole

2010-04-08T22:56:00.000-07:00

Mwanamuziki wa muziki wa Injili nchini Steven Wambura, ambae ilidaiwa alikuwa akitaka kuingia katika muziki wa kidunia ameibuka upya na kukanusha vikali madai hayo.

Akiongea na safu hii Wambura alisema kuwa wakati yuko Moani Arusha ambako ndio makazi yake alisikia wapinzani wake wakisema maneno hayo na kudai ameishiwa kabisa na amejiunga na bendi ya Tanzanite iliyoko huko hivyo kumuasi bwana.

“Siwezi katu kuimba muziki huo na kama nitashindwa kabisa basi nitabaki kumuimbia bwana kanisani kwani ninaimani ujumbe utafika na sio kuingia katika bendi za kidunia,” alisema.

Hata hivyo aliongeza kuwa anashangazwa na maneno hayo ya waimba injili chipukizi ambao anahisi walikuwa wanataka kumchafulia ili aonekane ni kondoo aliyepotea kitu ambacho si kwani hivi sasa amesha kamilisha Album yake mpya iitwayo Roho wa Bwana na inaendelea kufanya vizuri katika television na redio mbalimbali nchini.

Wambura, ambaye sasa anatamba na kibao chake cha 'Roho wa Bwana' amesema baadhi ya wanamuziki wa Injili wanashangaza kwa tabia hizo lakini yeye anaamini hiyo ni dalili ya kufika kwa siku za mwisho.

Katika hatua nyingine Wambura amedai kuchukizwa na waimbaji wa muziki huo ambao wamekuwa wakipata kiburi kila kunapokucha kutokana na kupata majina makubwa katika jamii inayowazunguka na kujiona wao ni bora kuliko wengine.

Wambura alisema kuwa, leo hii si jambo la ajabu kuona baadhi ya wanamuziki wa muziki huo wakipata kiburi, maringo na dharau baada ya kufanikiwa badala ya kuendelea kutoa huduma ya kiroho kwa mapana na marefu na baadhi yao hawajasimama katika huduma ya uimbaji.

Aliendelea kudai kuwa kipindi waimbaji hawa wakiwa hawajainuliwa, hushinda kanisani wakisali na kuomba na wakati mwingine kuhitaji misaada kwa watu ili watoke katika hatua moja kwenda nyingine, lakini baada ya mafanikio huwadharau hata watu ambao waliwasaidia katika siku za awali.

Mtumishi huyo wa Mungu aliendelea kusema kuwa, baadhi ya waimbaji wamekuwa wakiimba kwa ajili ya kutafuta fedha zaidi kuliko kumtumikia Mungu wao ambaye ndiye anawawezesha kufikia mafanikio wanayoyafikia.

Mwanamuziki huyo anasema ni kweli mtu hufanya kazi ya muziki wa Injili akiwa na lengo la kufikisha ujumbe wa Mungu kwa mataifa na mwisho wa siku anahitaji kujikimu katika maisha ya kawaida. Na hayo yanaweza kutimia kama mtu akiwa na fedha.

"Pamoja na kwamba tunahitaji fedha za kujikimu si sahihi kuzitafuta kwa njia za ajabu na kusahau kuwa lengo letu ni kutoa huduma na fedha zinakuja baadaye.

"Kwa kawaida hakuna kiwango cha fedha ambacho mtu anaweza kukitaja kwa ajili ya kutoa huduma ya Mungu, lakini unapojitoa katika kazi hiyo hata Mungu anakubariki na mambo mengine yanakunyookea.

Nyimbo zinazopatikana katika hiyo mpya inayokwenda kwa jina la 'Roho wa Bwana', ambao ni 'Amtegemeae Mwanadamu', 'Usiipende Dunia', Yesu Amesikia Kilio Chako', 'Mwache Yesu Atawale', 'Upendo', 'Hakuna Kama Wewe' na 'Kuja Kwa Yesu'.

Wambura, ambaye alianza kuimba tangu akiwa mdogo katika Kanisa la TAG, Kijenge, Arusha amesema anafurahia mafanikio aliyoyapata kwani sasa anafahamika na muziki wake unakubalika kwa watu wa rika zote.

"Napenda kuona watu wa rika zote wakimtukuza Mungu, napoona kazi yangu inasonga mbele namshukuru sana Mungu wangu ambaye ndiye anayeniwezesha kupiga hatua kila kukicha."

Akielezea suala la kuzungumza kwa lafudhi kama ya watu wa Jamhuri ya Kidemokrasia ya Kongo Wambura alisema kuwa watu wengi wanafikiri anatoka katika nchi hiyo lakini yeye ni Mtanzania, bali muda mrefu ameishi na watu wa Kongo.

"Nilipata lafudhi ya Congo kutokana na kuwa karibu mno na watu wa nchi hiyo. Mwaka 1999, nikuwa Afrika Kusini, ambapo nilikuwa nikifundisha muziki katika Chuo cha Muziki cha Amakosi Theatre jijini Johannesburg, huko nilikuwa na rafiki wengi kutoka Congo . Suala la kuwa nao karibu kwa miaka mingi, limenifanya nizungumze kama wao," anasema Wambura ambaye ni mume wa Penita na baba wa mtoto mmoja aitwaye Timoth.

Upendo Nkone: Nitafanya 'sapraizi' siku ya harusi yangu

2010-04-08T22:13:00.000-07:00

Wapendwa katika Yesu Kristo leo nimefanikiwa tena kukutana na muimbaji wa muziki wa Injili nchini anayekwenda kwa jina la Upendo Nkone ambaye nimefanya naye mazungumzo kwa ajili ya maandalizi ya harusi yake ungana nami ili upate kile alichokizungumza.

TGM: Bwana Yesu asifiwe Upendo

UPENDO: Amee, kwa jina naitwa Upendo Nkone ni mwenyeji wa Kigoma, nimezaliwa katika familia ya kilokole na kulelewa katika maadili ya dini ambayo yamenifanya mpaka leo hii nionekana katika jamii nikimtumikia Mungu kwa njia ya uimbaji.

TGM: Lini hasa ulianza rasmi kujihusisha na masuala ya muziki wa injili?

UPENDO: Swali zuri, binafsi suala ya uimbaji nililianza nikiwa na miaka mitano (5) kwa sababu muda mwingi nilikuwa nasikiliza nyimbo za dini kupitia radio ya nyumbani ikiwa ni pamoja na kwenda kanisani ambako nilikuwa nawaona wanakwaya wakiimba nami kuwa navutiwa nao.

TGM: Upo kwenye game ya muziki wa injili kwa muda mrefu sasa, mpaka sasa umepata mafanikio gani kutokana na huduma hii ya kumuimbia Mungu?

UPENDO: Nianze kwa kusema kuwa, mpaka sasa nimefanikiwa kutoa albamu zangu tatu. Ya kwanza ilijukina kama Mungu Baba, yapili niliita Hapa nilipo na ya tatu inakwenda kwa jina la Zipo faida. Namshukuru Mungu kupitia huduma hii nimepata mafanikio makubwa sana. Miongoni mwa hayo ni kupata marafiki wengi ndani na nje ya nchi wanaopenda huduma yangu, ninasomesha wanangu kwenye shule za kimataifa (International), ninausafiri wangu na sasa ninajenga bonge la nyumba maeneo ya Mbezi.

TGM: Hivi karibuni ilielezwa kuwa, umeshampata mwenza wako wa maisha ambaye hukupenda kumuweka wazi, je harusi itakuwa lini?

UPENDO: Na nyinyi wadaku huwa hampitwi na jambo. Ni kweli Mungu ameshajibu kiu ya kuwa na mume wa kufanana na mimi, lakini suala na lini ndoa yangu itafungwa linabaki kuwa siri ya familia yangu na upande wa mwenzangu, na nimedhamilia kufa ‘sapraizi’ siku ya harusi yangu.

TGM: Vipi kuhusu umarufu wako, unakusaidia katika maisha yako ya kila siku?

UPENDO: Kwa namna moja ama nyingine unanisaidia kufanikisha baadhi ya mambo, lakini asilimia kubwa ni mateso. Kwa mfano kwa muda wa miaka 9 ya ujane wangu nimeishi maisha ya mashaka na wasiwasi wa kufanyiwa lolote baya. Kwa sababu sina uhuru wa kutangulizana na mwanaume yeyote hasa nyakati za usiku kwa sababu watu wanaweza kufikiri kitu kibaya. Kwa kifupi umarufu ni mateso.

TGM: Mbali na uimbaji wa muziki wa injili, unafanya kazi gani.

UPENDO: Nafanya kazi ya kushona, taaluma yangu ni fundi chelehani na hivi karibuni natarajia kufungu ofisi yangu hapa mjini.

TGM: Nini malengo yako kuhusiana na huduma ya uimbaji wa muziki wa injili.

UPENDO: Nataka kumurumikia Mungu wangu kwa uimbaji kwa viwango vya juu kuliko ilivyosasa.(Picha kwa hisani ya blog ya Jiachie)

SOLOMON MUKUBWA KUFUNGA PIGU ZA MAISHA KESHO

2010-04-08T22:06:00.001-07:00

Mwimba wa muziki wa Injili nchini

Kenya

, Solomon Mukubwa kesho (Jumamosi) anatarajia kufunga ndoa na katika kanisa moja la Kiroho maarufu nchini humo.

Habari za uhakika ambazo TGM hii imezinyaka zinasema kuwa, Solomon amelazimika kuchukua uamuzi huo baada ya kupata umaarufu kupitia albamu yake ya Mfalme wa Amani ambayo imewakamata watu wa dini mbalimbali na kujikuta akipata msururu wa mademu waliokuwa wanajigongesha kwake.

“Jamaa Jumamosi (kesho) anaoa lengo ikiwa ni kujizuia na majaribu ya kuanguka kwenye uasherati, kwani baada ya kupata umaarufu kupitia albamu yake ya Mfalme wa Amani mademu kibao wamekuwa wakipanga mstari kutaka kampani yake,” kilisema chanzo cha udaku huu. (Picha kwa hisani ya blogo ya Jiachie)

WACHUNGAJI NAO WANA A.K.A!!

2010-04-08T22:01:00.001-07:00

Mchungaji wa Kanisa la Kiroho la Assemblies of God, Ubungo Kibangu, Anthony Lusekelo naye ana jina ambalo si la asili, ‘Mzee wa Upako.’

Majina ya aina hii hujulikana zaidi kama ‘a.k.a’ ambapo mastaa wengi duniani ndiyo wenye matumizi hayo. Mfano, Joseph Mbilinyi ‘Mr II’, Seleman Msindi ‘Afande Sele’, Joseph Haule ‘Profesa J’ na wengine wengi.

WACHUNGAJI NAO WANA A.K.A!!

2010-04-08T22:00:00.001-07:00

Mchungaji wa Kanisa la Kiroho la Assemblies of God, Ubungo Kibangu, Anthony Lusekelo naye ana jina ambalo si la asili, ‘Mzee wa Upako.’

BEATRICE MUHONE KAANGUKA?

2010-04-08T21:59:00.000-07:00

Mwimbaji wa Injili aliyejizolea umaarufu kwenye albamu ya Ingoje Ahadi, Beatrice Muhone amezua viulizo vingi baada ya kuwa kimya kwa muda mrefu sasa huku wengine wakiamini ameanguka kisanii.

Lakini ukweli ni kwamba, ameshatoa albamu nyingine mbili ila zimeshindwa kuipiku ile ya kwanza kwa sababu hazikuwa na sauti ya Upendo Kilahiro ambaye inasemekana alikuwa msaada mkubwa katika albamu ya kwanza.(Picha kwa hisani ya mtandao)

Heri ya Pasaka

2010-04-02T23:00:00.001-07:00

Waumini Wakristo ulimwenguni kote kesho watasherehekea Sikukuu ya Pasaka ya kukumbuka ufufuko wa Bwana Yesu Kristo. Katika Sikukuu hii Wakristo na wale wasio Wakristo wanakumbuka mateso, kifo na Kufufuka kwa Bwana Yesu Kristo.

Kwa baadhi ya madhebu ya Kikristo, Sikukuu ya Pasaka hutanguliwa na maandalizi makubwa ambayo huchukua muda wa majuma sita ya Kwaresma.

Katika kipindi hicho cha Kwaresma Waumini wamekuwa wakihimizwa kufanya toba kwa kusali zaidi, kuhimizwa kufanya matendo mema mbalimbali na hasa kuwasaidia maskini na wale wote wasiojiweza.

Biblia kupitia Mtume Paulo inawaambia Wakorinto kuwa "Kama Kristo hakufufuka, imani yenu ni bure; mngalimo katika dhambi zenu." (1Wakorinto 15:17). Au pia anasema kuwa kama Kristo hakufufuka, basi kuhubiri kwetu ni bure; na imani yenu ni bure (1Wakorinto 15:14).

Pamoja na baadhi ya Wakristo katika hali ya mfungo na kutubu dhambi zao, miongoni mwao wamejiandaa kufanya vitu vya ajabu ambavyo ukiviangalia ni sawa na kwamba ni heri wasingefunga kwa sababu hujikuta wanaibua dhambi kubwa zaida kuliko ilivyokuwa mwanzo.

Hali hii inatokana na mmomonyoko wa maadili katika jamii ambapo watu wengi wamekuwa na imani kuwa, siku hiyo ni yakufanya starehe chafu ambazo mwisho wa siku huwaacha katika majuto na simanzi kubwa.

Kwa muda wote huo baadhi yao wameshona nguo ambazo wakizivaa ni vituko katika jamii, miongoni mwao wamejiandaa kunywa kunywa pombe kupita maelezo, wengine wamepanga bajeti za kutoka out na wake za watu, wachumba kwenda kufanya tendo la ndoa kabla ya muda na vitu vingine vingi vya anasa.

Cha kusikitisha zaidi kuna maadhi ya wanakwaya tayari wameshapanga sehemu ya kwenda kutembea kesho mara baada ya ibada kwa lengo la kufanya ngono. Kana kwamba hiyo haitoshi kuna wengine tayari wameshapanga jinsi ya kuwadanyanga waume/wake zao, wazazi wao, ndugu zao kwa lengo la kwenda kufanya uchafu huo.

Nakatika siku ambazo maambukizi ya virusi vya ukimwi huongezeka kwa kasi ni katika Sikukuu kama hii. Ushauri kwa leo ni kwamba, kwa wanandoa tulieni na familia zenu, baba tulia na mkeo na wewe mama tulia na mumeo mfurahie wote kwa pamoja. Siku ya kesho si ya kunywa pombe la kulewa kwani mwisho wa siku wahusika hujikuta wako katika majuto makubwa. Kwa ndugu zangu waimbaji wa muziki wa injili nawaomba muwe na hofu ya Mungu kwa kuogopa kufanya yasiyompendeza Mungu kwa kufuata mkumbo wa wamataifa ambao wao huitumia siku kama ya kesho kufanya ufusika usiotamkika kwa baadhi yao kupelekana beach.

Kwa wakristo wote nawaomba pia nanyi muwe na hofu ya Mungu, jambo ovu ambalo umepanga kulifanya kesho kwa siri elewa Mungu anakuona kuliko huyo ambaye utamficha kwa madai ya kufanya hivyo kwa kificho. Kikubwa kila mmoja awe na hofu ya Mungu, tambua unaweza kufanya jambo hilo ambalo umekusudia kulifanya na baada ya muda Mungu akakuita, je nani utamlaumu?

Kikubwa tusifanye yasiyompendeza Mungu kwa kificho kwa madai ya watu wasikuone, bali elewa kwamba Mungu mwenyewe ambaye ndiye mtoa hukumu anakuona. Wewe uliyejiandaa kufanya maovu kwa kutegemea badaye uje utubu, nasema unajidanganya. Mungu anaweza kukuchukua wakati ukiwa katika tendo hilo unalofikiria kulifanya.

Nawatakia tena heri ya Pasaka

George Kayala

2010-04-02T04:28:00.000-07:00

MAISHA YA YESU

2010-04-02T04:12:00.000-07:00

2010-04-02T04:10:00.001-07:00

2010-04-02T04:09:00.003-07:00

2010-04-02T04:07:00.001-07:00

2010-04-02T04:05:00.001-07:00

2010-04-02T04:04:00.001-07:00

2010-04-02T04:02:00.001-07:00

2010-04-02T04:00:00.001-07:00

2010-04-02T03:58:00.000-07:00

2010-04-02T03:55:00.001-07:00

PASAKA NI NINI?

2010-04-02T03:40:00.000-07:00

Pasaka ya Kiyahudi ni kati ya sikukuu muhimu zaidi za dini ya Uyahudi. Sikukuu hii inakumbuka kutoka kwa Wanaisraeli kutoka utumwa walimokuwemo huko Misri.

Pasaka ya Kiyahudi imekuwa na athira kubwa juu ya sherehe ya Pasaka ya Kikristo kuhusu tarehe, liturgia na desturi mbalimbali.

Jina la Pasaka limetokana na neno la Kiebrania "פסח" (tamka: pasakh) lenye maana ya "kupita juu, kukaa juu ya (kama mlinzi)" katika kitabu cha Biblia cha Kutoka 12:23. Hapa imeandikwa ya kwamba Mungu "atapita" juu ya milango ya nyumba za Wanaisraeli huko Misri katika usiku kabla ya kutoka kwao, na kuzuia maovu ambayo Wamisri waliathiriwa nayo.

Meza ya Seder yaani Chakula cha Pasaka ya Kiyahudi ikionyesha vitabu vya Haggada

Sahani ya Seder ya Pasaka ya Kiyahudi

Pasaka ina tarehe kamili katika kalenda ya kiyahudi inaanza Nisan 15. Husheherekewa kwa siku saba yaani hadi Nissan 22. Siku ya kwanza na ya mwisho ni sikukuu hasa. Katika nchi ya Israel siku hizi mbili ni siku za kupumzika kazi. Wayahudi wengine hasa nje ya Israel husheherekea siku 8.

Kwa sababu kalenda ya kiyahudi ni kalenda ya mwezi tarehe zake hubadilika katika hesabu ya kalenda ya Grigori yaani kalenda ya kawaida ya kimataifa. Kwa jumla Pasaka ya Kiyahudi inasheherekewa wakati wa miezi Machi au Aprili kwa sababu Nisan ni mwezi wa majira ya kuchipua.

Asili ya Pasaka

Katika Biblia, kitabu cha Kutoka, sura ya 12, kuna taarifa ya kutoka kwa Wayahudi katika Misri wakati wa Musa mnamo mwaka 1200 KK. Taarifa ni ya kwamba Musa alitumwa na Mungu kuwaondoa Wanaisraeli katika hali ya utumwa huko Misri na kuwaongoza kwenda nchi ya ahadi. Lakini mfalme wa Misri mwenye cheo cha Farao alikataa hivyo Mungu alituma mapigo dhidi ya Misri ili Farao alazimishwe kukubali. Pigo la mwisho tena la kali mno lilikuwa kifo cha kila aliyezaliwa kama mtoto wa kiume wa kwanza katika Misri. Hapo Wanaisraeli waliambiwa kuchinja kondoo na kupaka damu milangoni kwao ili malaika akipita kuua watoto wa kwanza asiguse watoto wa Wanaisraeli. Baada ya pigo hili Farao alikubali Wanaisraeli watoke.

Tendo hili la kuwaweka mababu yao huru linakumbukwa na Wayahudi kote duniani katika siku zinazoanza Nisan 15.

Sherehe ya Pasaka

Sherehe ya Pasaka inaanza masaa ya jioni kabla ya siku yenyewe kwa sababu katika kalenda ya kiyahudi mwanzo wa siku si usiku manane wala macheo lakini wakati wa machweo jioni inayotangulia. Maandalizi ya sikukuu ni pamoja na kufanya usafi kabisa katika nyumba. Hakuna kitu kilichochachuka kinachobaki katika nyumba kufuatana na Kutoka 12:20, yaani kitu chochote chenye nafaka au unga wake ulioguswa na maji hata punje yake kama vile mkate, keki au spagetti. Tendo hili ni la kukumbuka jinsi Wanaisraeli walipaswa kukimbia Misri haraka bila muda wa kutengeneza mikate ya kawaida yaliyochachuka. Kwa hiyo wanawake wao walioka mikate yasiyochachuka ambayo yamekuwa chakula cha Pasaka hadi leo. Mikate hii huitwa "matze".

Familia na marifiki hukutana kwa chakula cha pekee wakizunguka meza ya Seder (seder = "utaratibu") yenye vyakula vya pekee. Kati ya vyakula hivi ni majani machungu yanayokumbusha uchungu wa utumwa, matunda ya kupondwa yenye rangi ya kahawia-nyekundu yanayokumbusha udongo wa matofali Wanaisraeli walipaswa kutengeneza, maji ya chumvi ya kukumbuka machozi huko Misri, mayai kama ishara ya matumaini, na vingine. Vyote huliwa katika utaratibu (=seder) maalumu pamoja na masomo na sala kutoka vitabu vya Haggada vinavyoshikwa na wote mezani.

Makala haya ni kwa mujibu wa wikipedia.org.

=================

Pasaka ni mnyama anayechinjwa kukumbuka kukombolewa Waisraeli Misri, siyo 'kufa' kwa Yesu

Ukweli wa Pasaka kama alivyofundisha Mungu

Kwa mujibu wa mafundisho ya Biblia, Pasaka ni mnyama ambaye wana wa Israeli waliamrishwa na Mungu wamchinje na wamle kwa kufuata utaratibu aliouelekeza Mungu na kwa lengo maalum. Maandiko yafuatayo yanathibitisha ukweli huu:

"Hapo ndipo Musa aliwaita wa Israeli, na kuwaambia, Nendeni, mkajitwalie wana kondoo kama jamaa zenu zilivyo, mkamchinje Pasaka". (Kutoka 12:21),

"Nawe umchinjie Pasaka BWANA, Mungu wako, katika kundi la kondoo na la ng'ombe, mahali atakapochagua BWANA apakalishe jina lake". (Kumbukumbu la Torati 16:2),

"Usimchinje Pasaka ndani ya malango yako yote akupayo BWANA, Mungu wako, ila mahali atakapochagua BWANA, Mungu wako, apakalishe jina lake, ndipo mtakapomchinja Pasaka jioni, katika machweo ya jua, kwa wakati kama uliotoka Misri". (Kumbukumbu la Torati 16:5-6).

Kulingana na maandiko hayo juu, tunaona hapa Biblia inafundisha wazi kuwa Pasaka ni kondoo au ng'ombe ambaye Mungu aliwaamuru wana wa Israeli wamchinje kisha wamle. Aidha, maandiko hayo yanaonyesha wazi pia kuwa amri hiyo (ya kuchinja na kumla Pasaka) haikuwahusu watu wa mataifa mengine isipokuwa Waisraeli peke yao.

Utaratibu aliouweka Mungu wa kumla Pasaka

Pamoja na wana wa Israeli kuamriwa na Mungu kumchinja Pasaka, Mungu pia aliwawekea utaratibu (sheria) wa kumla (Pasaka) kama tunavyosoma katika maandiko yafuatayo:

"BWANA akamwambia Musa na Haruni, Amri ya Pasaka ni hii; mtu mgeni asimle; lakini mtumishi wa mtu awaye yote aliyenunuliwa kwa fedha, ukiisha kumtahiri, ndipo hapo atamla Pasaka. Akaaye kwenu hali ya ugeni, na mtumishi aliyeajiriwa, wasimle Pasaka. Na aliwe ndani ya nyumba moja; usiichukue nje ya nyumba nyama yake yoyote; wala msivunje mfupa wake uwao wote. Na wafanye jambo hili mkutano wa Israeli wote. Na mgeni atakapoketi pamoja nawe, na kupenda kumfanyia BWANA Pasaka, waume wake wote na watahiriwe, ndipo hapo akaribie na kufanya Pasaka, naye atakuwa mfano mmoja na mtu aliyezaliwa katika nchi; lakini mtu yeyote asiyetahiriwa asimle. Sheria ni hiyo moja kwa mtu aliyezaliwa kwenu, na kwa mgeni akaaye kati yenu ugenini. Ndivyo walivyofanya wana wa Israeli wote; kama BWANA alivyowaagiza Musa na Haruni; ndivyo walivyofanya". (Kutoka 12:43-50)

"BWANA akanena na Musa, akamwambia, mtu wa kwenu, au vizazi vyenu, yeyote atakayekuwa na unajisi kwa ajili ya maiti, au akiwako mbali katika safari, na haya yote, ataishika Pasaka kwa BWANA; mwezi wa pili, siku ya kumi na nne ya mwezi, wakati wa jioni, wataishika watamla pamoja na mikate isiyotiwa chachu na mboga za uchungu; wasisaze kitu chake chochote hata asubuhi, wala wasimvunje mfupa wake, kama hiyo sheria yote ya Pasaka ilivyo ndivyo watakavyoishika. Lakini mtu aliyesafi, wala hakuwa katika safari, naye amekosa kuishika Pasaka, mtu huyo atakataliwa mbali na watu wake; kwa sababu hakumtolea BWANA matoleo kwa wakati wake ulioamriwa, mtu huyo atachukua dhambi yake. Na kama mgeni akiketi kati yenu ugenini, naye ataka kuishika Pasaka kwa BWANA; kama hiyo sheria ya Pasaka ilivyo, na kama amri yake ilivyo, ndivyo atakavyofanya; mtakuwa na sheria moja, kwa huyo aliye mgeni, na kwa huyo aliyezaliwa katika nchi". (Hisabu 9:9-14).

Kwa kifupi, kama maandiko hayo yanavyoeleza, huo ndio ulikuwa utaratibu wa kumla Pasaka, ambao Mungu aliwawekea wana wa Israeli. Aidha, maandiko hayo nayo pia bado yanatuonyesha kuwa Pasaka ni mnyama ambaye Mungu aliwaamuru wana wa Israeli (peke yao) wamchinje kisha wamle.

Siku na muda aliouweka Mungu wa kuchinja na kumla Pasaka

Pamoja na Mungu kuwatajia wana wa Israeli watu wanaoruhusiwa kumla Pasaka (kama tulivyoona katika maandiko yaliyotangulia), Mungu pia aliwapangia siku na muda maalum wa kuchinja na kumla Pasaka, kama maandiko yafuatayo yanavyoeleza:

"Kisha BWANA akanena na Musa katika bara la Sinai, mwezi wa kwanza wa mwaka wa pili baada ya kutoka kwao katika nchi ya Misri, akamwambia, Tena wana wa Israeli na washike sikukuu ya Pasaka kwa wakati wake ulioagizwa. Siku ya kumi na nne kwa mwezi huu, wakati wa jioni, mtaishika kwa wakati wake ulioagizwa; kwa amri zake zote, na kama hukumu zake zote zilivyo, ndivyo mtakavyoishika. Kisha Musa akawaambia wana wa Israeli kwamba waishike sikukuu ya Pasaka. Nao wakaishika Pasaka katika mwezi wa kwanza, siku ya kumi na nne ya mwezi, wakati wa jioni, katika bara ya Sinai, vile vile kama haya yote BWANA aliyomwagiza Musa, ndivyo walivyofanya wana wa Israeli". (Hesabu 9:1-5)

"Tena, mwezi wa kwanza, siku ya kumi na nne ya mwezi, ni Pasaka ya BWANA". (Hesabu 28:16)

"Mwezi wa kwanza, siku ya kumi na nne ya mwezi wakati wa jioni, ni Pasaka ya BWANA". (Mambo ya Walawi 23:5)

"Mwana-kondoo wenu atakuwa hana ila, mume wa mwaka mmoja; mtamtwaa katika kondoo na mbuzi. Nanyi mtamweka hata siku ya kumi na nne ya mwezi ule ule; na kusanyiko lote la mkutano wa Israeli watamchnija jioni". (Kutoka 12:5-6)

Kulingana na maandiko hayo juu, tunaona kwamba siku ya Pasaka ambayo Mungu aliwapangia wana wa Israeli kuishika ilikuwa ni kila ifikapo tarehe 14 mwezi wa kwanza wa mwaka wa kutoka kwao nchini Misri. Aidha, kama maandiko mengine ya Biblia yanavyofundisha (tazama Kumbukumbu la Torati 16:1) mwezi huo uliitwa "mwezi wa Abibu" ambao ulianza kuhesabiwa kabla hata Nabii Issa au Yesu (a.s.) hajazaliwa (B.C.). Ni wazi kuwa shuhuda hiyo peke yake inadhihirisha kuwa Pasaka kuwekwa tarehe 2 mwezi wa nne wa mwaka wa kuzaliwa Yesu (A.D.) kama wanavyofanya Wakristo leo, kwa kweli hiyo si katika mafundisho sahihi ya Mungu, bali ni uzushi mtupu uliobuniwa na wanaadamu!

Lengo sahihi la Mungu kuweka sikukuu ya Pasaka

Sambamba na Mungu kuwawekea wana wa Israeli utaratibu maalum wa jinsi ya kutekeleza amri yake ya kuchinja na kumla Pasaka, vile vile Mungu hakuacha kubainisha lengo hasa la kutoa amri hiyo kwa wana wa Israeli, kama maandiko yafuatayo yanavyobainisha hapa chini:

"Utunze mwezi wa Abibu, ukamfanyie Pasaka BWANA, Mungu wako, kwa kuwa ilikuwa ni mwezi wa Abibu alipokutoa Misri usiku BWANA; Mungu wako, Nawe umchinjie Pasaka BWANA, Mungu wako, katika kundi la kondoo na la ng'ombe, mahali atakapochagua BWANA apakalishe jina lake. Usimle pamoja na mikate iliyotiwa chachu; siku saba utakula naye mikate isiyotiwa chachu, nayo ni mikate ya mateso; kwa maana ulitoka nchi ya Misri kwa haraka; ili upate kukumbuka siku uliyotoka nchi ya Misri, siku zote za maisha yako". (Kumbukumbu la Torati 16:1-3).

Kufuatana na maandiko hayo juu, tunaona kuwa lengo la Mungu kuwawekea wana wa Israeli sikukuu hiyo ya Pasaka, ilikuwa ni kwa ajili ya kukumbuka siku aliyowakomboa kuwatoa nchini Misri chini ya utawala ya Farao (Firauni). Ambapo maandiko ya Biblia yamearifu kuwa wana wa Israeli walikaa nchini Misri katika hali ya utumwa kwa muda usiopungua miaka 430 (tazama Kutoka 12:40-42)).

Aidha, maandiko hayo yanaonyesha lengo lingine la Mungu kuwawekea wana wa Israeli sikukuu hiyo (Pasaka) ilikuwa kama desturi yake kujenga uhusiano mzuri baina yake na wanaadamu endapo watatii amri zake.

Makala haya yameandaliwa na Muhibu Said

UPENDO NKONE ACHUMBIWA

2010-03-30T22:19:00.000-07:00

Ni miaka tisa (9) sasa ya ujane, lakini kwa Mungu hatukati tamaa, hatimaye mwimbaji wa muziki wa Injili Bongo, Upendo Nkone, amepata mwenza wa maisha ambaye ameanza na hatua ya mwanzo ya kumchumbia kabla ya kumbeba jumla, Risasi linabeba mabango ya nderemo.

Akistorisha na gazeti hili jijini Dar es Salaam juzikati, Upendo aliweka kweupe kwamba, amekuwa katika maombi ya mnyororo akimuomba Mungu ampe mume mwema ambaye atafanyika faraja katika maisha yake ikiwa ni pamoja na kupata heshima ya kuitwa mama fulani katika jamii inayomuzunguka.

“Namshukuru Mungu amejibu maombi yangu, tayari nimempata mwenza wa maisha ambaye ameanza hatua za mwanzo za kunichumbia, naye atafanyika faraja kubwa kwangu kwani nilidharaulika katika jamii inayonizunguka,” alisema Upendo kwa masikitiko makubwa.

Mtumishi huyo wa Mungu aliendelea kumwaga ‘data’ kwamba, kwa kipindi chote hiyo cha ujane amekumbana na misukosuko mingi ikiwa ni pamoja na kutokewa na wanaume wenye fedha zao ambao walionekana kuvutiwa naye, lakini Jehova alimuzuia na kuachana nao mpaka alimpompa wa kufanana naye.

“Nimeishi katika mazingira magumu ya ujane tangu mwaka 2002 nilipoondokewa na mzazi mwezangu, wanaume wengi walijitokeza wakitaka kunioa, moyo wangu haukuwa na amani nao licha ya kuwa na uwezo mkubwa wa kifedha, ashukuriwe Mungu amenipa wa kufanana nami ambaye nitamuweka hadharani siku si nyingi,” alisema Upendo.

Aidha, staa huyo anayetesa na ngoma yake ya ‘Unitetee Mokozi Wangu’ alisema kwamba, suala la upweke, kukosa uhuru wakati wa usiku anapotoka kwenye huduma, ama kutembea usiku peke yake, kukaa na simanzi muda mwingi vimechangia kwa kiasi kikubwa kutulia katika magoti kumsihi Mungu ampe mbadala na mzazi mwenza.

Akielezea sababu za kutomuweka wazi kwa sasa mumewe mtarajiwa, Upendo alisema kuwa, anachoogopa ni wadaku ambao wanaweza kutibua na kumfanya aendelee kusota katika hali ya ujane.

Kondoo huyo wa Mungu alimalizia kwa kuwataka wajane wenzake kutulia katika uwepo wa Mungu ili wasiangukie katika dhambi ya uasherati kutokana na kuzungukwa na vishawishi vya kila namna, ambapo yeye binafsi alikuwa na mpango wa kuandaa tafrija fupi ya kujipongeza kuishi maisha matakatifu kwa muda wote huo.

Christina Shusho akanyaga sikendo

2010-03-27T02:34:00.000-07:00

Mkali wa Muziki wa Injili Bongo, Christina Shusho amepangua vikali madai yanayovumishwa kila kona ya jijini la Dar kuwa, amekuwa na kijitabia cha kutapanya fedha zake vibaya kwa kufanya matanuzi ambayo kwa hadhi yake hapaswi kuyatenda.

Akizungumza na gazeti hili hivi karibuni jijini Dar es Salaam, Shusho alisema kuwa, anashangazwa na uvumi huo ambao hauna ukweli wowote bali una lengo la kuinajisi huduma yake ili aeleweke vibaya katika jamii.

“Si kweli kwamba mimi nafanya matanuzi kwa kutumia fedha kama watu wanavyodai, bali naona watu wameamua kunichafua kwa maneno ya uzushi ili jamii inichukie ikiwa sambamba na kuinajisi huduma yangu,” alisema Shusho ambaye ni miongoni mwa waimbaji wachache wa muziki huo ambao wamekuwa wakihesabika kuwa ‘wasafi’.

Mbali na matumizi mabaya ya pesa, msanii huyo anadaiwa kulala kwenye hoteli za nyota 5 punde anaporejea jijini usiku akitoka kufanya shoo zake mikoani.

Wadaku hao walisema kuwa, Mtumishi huyo wa Mungu amekuwa akifanya hivyo kutokana na uwezo mkubwa wa kifedha alionao bila kuangalia kama kuna watu ambao wanahitaji msaada kutokana na maisha magumu wanayoishi hasa wajane na yatima.

Akipangua skendo moja baada ya nyingine, Shusho alikiri kwanza kuwa na safari za kwenda kununua nguo zake nje ya nchi akisema kwa sababu ana duka la nguo Kariakoo.

Aisha, alisema kuwa, yeye ni mwanamitindo hivyo anapokwenda Marekani, Uingereza au China hununyua vitambaa ambavyo vikishonwa na kuvaa huonekana amenunua nguo za gharama kubwa.

“Mimi ni mtu ninayetumika madhabahuni, natakiwa nionekane nadhifu muda wote, na kweli nimekuwa nikisafiri kwenda Ulaya kununua bidhaa za dukani kwangu, na nikiwa huko huwa nanunua kitambaa kimoja kimoja, nikija kushona nguo na kuvaa zinaonekana nzuri na za gharama ya juu na baadhi ya watu hutafsiri kwamba, natumia vibaya fedha zangu,” alisema Shusho.

Akifafanua kuhusu suala la kulala hoteli za gharama nchini anaporeja Dar usiku toka kwenye shoo, Shusho alisema kuwa, jambo hilo halina ukweli wowote kwa sababu ana mapenzi na familia yake hivyo hawezi kufanya kitendo kama hicho.

Mwimbaji huyo alimaliza kwa kusema kuwa, yote hayo anamwachia Mungu yeye ndiye anayejua ukweli wa maisha yake, na masuala hayo anayapeleka kiroho zaidi kuliko kimwili kwani yanaweza kuujeruhi moyo wake.

“Namwachia Mungu masuala hayo, yeye ndiye anayefahamu ukweli wa maisha yangu kwa maana Biblia inasema; Kushinda kwetu si kwa damu na nyama bali ni katika Ulimwengu wa roho, Jehova atalidhibitisha jambo hili kama lipo, na kama halipo wanaovumisha maneno hayo atawashughulikia,” alisema Shusho.

Raymond Jackson: Ukimwi hautupati tukifuata Biblia

2010-03-26T06:20:00.003-07:00

KUKUA kwa muziki wa Injili leo hii, sio jambo geni tena kutokana na wimbi kubwa la wadau wa fani hiyo kuongezeka kila kukicha, huku vijana wakiwa wengi kwenye jamii inayofanya kazi hiyo. Raymond Jackson ni muimbaji wa njimbo za Injili ambaye ameanza rasmi kazi hii tangu mwaka 2006, ambapo tangu wakati huo hadi sasa amekuwa ni moja ya watumishi wanaofanya vema kwenye fani hiyo.

Akizungumza na Championi Ijumaa, mwimbaji huyo anayejulikana pia kwa jina la Ray, anasema kwamba jambo kubwa lililomfanya kuamua kufanya muziki huo si kwa matakwa yake bali ni wito uliokuwamo kwa muda mrefu ndani ya moyo wake.

Kutokana na sababu hiyo, aliamua kufanya jukumu hilo alilopewa na Muumba kwa moyo wote, kwa imani kuwa siku zote kazi ya Mungu hufanyika kwa kujituma kwa moyo na si vinginevyo. Aidha Ray, anasema kuwa suala la kufanya muziki wa Injili linategemea pia kulelewa na kukuzwa kiroho ambapo kwa sasa anaabudu katika Kanisa la Maximum Deliverance lililopo chini ya Mchungaji John Simon. Sambamba na uimbaji kwa lakini anafanya kazi katika kwenye Kampuni ya FM Wasambazaji.

Kadhalika muimbaji huyo anaeleza kwamba, tangu ajikite katika ulimwengu wa nyimbo za Injili, yapo baadhi ya mambo anayoamini kuwa hayapo sawasawa hasa kwa waimbaji wenyewe.

Miongoni mwa mambo hayo ni pamoja na miongoni mwao kutumia neno la Mungu kwa ajili ya kupata umaarufu mbele ya jamii, pia ushirikiano mdogo kwa baadhi ya waimbaji waliotoka na wale ambao wanachipukia, jambo ambalo limekuwa likilalamikiwa na chipukizi wengi.

“Waimbaji waliotangulia katika kazi hii ya kumsifu Mungu watambue kwamba ni Mungu pekee ndiye aliyewainua, kwa hiyo waache kuwavunja moyo chipukizi, wakumbuke kwamba hapo walipo ni kwa msaada na neema za Mungu tu na si kwa ajili ya nguvu zao,” anasema Ray na kuongeza kuwa.

“Unakuta chipukizi anaomba kumshirikisha muimbaji mwenye jina lakini kwa kuwa hawatambui kwamba kazi hii ni ya Mungu wanakataa, ningependa watambue kwamba hakuna muimbaji wa Injili mchanga bali ni kwamba wote tuko kwenye foleni, wao wametangulia na wengine watafuatia.”

Mbali na hayo anasema anafurahishwa na baadhi ya waimbaji ambao hawana dharau na wenye ukarimu kwa waimbaji wanaochipukia na wanajua kwamba kazi ya uimbaji siyo kwa ajili ya maslahi binafsi, inalenga hasa kumsifu Mungu na kuponya roho za wanadamu.

Ray ambaye pia ni mtoto wa tatu kuzaliwa katika familia ya Mzee Jackson anaongeza kuwa kutokana na kuzidi kusambaa kwa maambukizi ya ugonjwa wa Ukimwi, ameamua kuwa mstari wa mbele katika kupinga vita ya kuenea kwa ugionjwa huo.

“Naamini Biblia takatifu ndiyo mambo yote, kwa sababu hiyo kama tukifuata maandiko hayo ni wazi kuwa suala la kufanya zinaa litakuwa ndoto kwa maana kwenye kitabu hicho Mungu ameweka kila kitu bayana bila kificho.

“Shetani anatumia mbinu nyingi, jamii isipolitambua hili tunaweza kujikuta tunaangamia, hakuna jingine katika kujikomboa na hali hiyo kwa kumkimbilia Yesu, kwa jina lake hakishindikani kitu,” anasema Ray.

Upande wa albamu yake anasema amekamilisha nyimbo 10 na itajulikana kwa jina la Nipige Picha Leo, ambapo kati ya hizo kuna Uzuri Wako ambao ndiyo umemtambulisha na kumpa umaarufu.

Nyimbo nyingine ni Nakushukuru Mungu, Kilio Chako, Upendo, Moyo Wangu Tulia, Mke Si Nguo, Nipige Picha Leo, Bora Subiri na nyinginezo.