Bony Mwaitege kaishiwa mashairi?

Ukimya wa muimbaji wa muziki wa Injili nchini aliyefanikiwa kuiteka Afrika Mashariki, Bony Mwaitege na wimbo wake wa ‘Utanitambaje kama nimeokoka’ umeibua maswali mengi huku wengine wakisema kuwa ameishiwa mashairi ya kulihubiri Neno la Mungu kwa njia ya uimbaji.

Wakati wengine wakisema Bony kaishiwa maishairi, baadhi yao wanasema kuwa, ukimya wa muimbaji huo unatokana na ukweli kuwa, bado anatafakari kama anaweza kutoa albamu itakayoipiku ile ya kwanza ambayo ndiyo ilimpa jina katika medani ya muziki wa injili.

Hata hivyo taarifa kutoka kwa jamaa zake wa karibu na muimbaji huyo anayemwabudu Mungu wake katika kanisa la Mito ya Baraka jijini Dar es Salaam zilisema kuwa tangu mwaka jana, Bony amekuwa akiiandaa albamu yake ya pili ambayo binafsi ameona ubara wake haulingani na ya kwanza.