HUJAANZA WEWE KUZINDULIWA OKTOBA 11, 2009

Muimbaji wa muziki wa Injili nchini ambaye pia ni mtangazaji nyota wa kituo cha redio cha Praise Power cha jijini Dar es Salaam, Victor Arone, anatarajia kuzindua albamu yake ya pili inayokwenda kwa jina la Hujaanza wewe katika ukumbi wa Diamond Jubilee Oktoba 11 mwaka huu. Albamu hiyo ina nyimbo 10 ambazo ni Mkatae ama mkubali, Msilale, Tuwe na huruma, Wokovu, Udongo bila Maji, Nani katika mbingu, Nimesogea pamoja na Ni kwa Neema. Victor anatarajiwa kusindikizwa na wasanii kibao wa muziki huo kama  Bony Mwaitege, Bahati Buku, Christina Shusho, Janeth Benny, Jenifffer Mgendi na Ambwene Mwasongwe.Kiingilio katika uzinduzi huo ni 5000/ kwa VIP, 3000/ kwa watu wakubwa na 2000 kwa watoto.

Victor Arone (kulia) akiongea na waandishi wa habari juu ya uzinduzi wa albamu yake iitwayo Hujaanza wewe unaotarajiwa kufanyika Oktoba 11 mwaka huu ndani ya ukumbi wa Diamond Jubilee akiwa na Noel Leonard mratibu wa uzinduzi huo.

 

 Victor akiwa katika mkao wa pozi wa kutafakari jinsi uwepo wa Mungu utakavyofunika siku ya uzinduzi wa albamu hiyo ya pili. Mtumishi huyu wa Mungu, aliwahi kutamba na kibao chake cha Kurudi nyuma kwa wajinga ambao ndio ulimtambulisha katika anga la muziki wa injili.