NANI KAWALOGA WAIMBAJI WA MUZIKI WA INJILI?

Huwa kila kukicha najiuliza swali hili na huwa sipati jibu la nani kawaloga waimbaji wa muziki wa Injili nchini. Hakuna asiyejua kuwa waimbaji hao ni watumishi wa Mungu ambao wanahubiri neno la Mungu kwa njia hiyo ya uimbaji lakini matendo wanayofanya hayaendani kabisa na huduma yao.

Ukisikiliza nyimbo zao utafikiri wao ni wacha Mungu wa kweli kwani hutia faraja na kuwafanya watu wawe karibu na Mungu zaidi kwa kukiamini wanachokiimba. Lakini ukweli ni kwamba waimbaji wengi wa muziki huo wako tofauti kabisa na wanachokiimba.

Kiburi, majivuno, kujisikia, masengenyo na kupenda fedha na kutopendana kunaongoza ndani ya waimba injili hao. Swali ni Mungu yupi wanayemhubiri?

Ni ukweli usiopingika kuwa waimbaji wa muziki wa injili hawapendani kabisa. Natoa hoja nini kifanyike ili tuondokane na hali hii. Na je kweli tatizo hili linaweza kumalizika? Gonga www.kabulageorge.blogspot.com utoe mawazo yako ili kila mmoja apate elimu hii.