Mkongwe wa nyimbo za injili nchini, Stella Joel ameonekana kuwachokoza wanaume baada ya kutunga kibao kinachowazungumzia wanaume kuwatunza wanawake kwa madai kuwa matunzo ndiyo kila kitu.
Kibao hicho kiitwacho ‘Hakuna Mwanamke Mbaya’ na kumshirikisha Rose Muhando kimeonekana kuwakera baadhi ya wanaume kwa kudai kuwa hakiwatendei hai kwani ni ukweli usiopingika kuwa wanawake wabaya wapo hata kama watatunzwa kwa kila namna.
Baadhi ya wanaume walienda mbali zaidi kwa kuwahoji Rose na Stella kuimba kibao hicho wakati wao hawana waume na yawezekana ubaya wao ndio umewafanya wawe nje ya ndoa mpaka sasa.
TGM ilifanya jitihada za kumpata Stella Joel kuzungumzia jambo hilo naye alikiri kupata usumbufu kutoka kwa wanaume wengi wanaopinga mashairi ya wimbo huo kwa madai kuwa wimbo huo haukuwatendea haki.
“Nikweli nimepigiwa simu nyingi sana kutoka kwa wanaume wakidai sijawatendea haki katika mashairi ya wimbo huo lakini ujumbe umefika kwani wanaoonekana kukasirika huenda hawawatunzi wake zao,” alisema Stella.
Post a Comment