GALILAYA WAJA NA HUKUNA KAMA MAMA

ISAYA MSANGI

Vijana watano wanaounda kundi la muziki wa injili liitwalo Galilaya lililo chini ya mwimbaji wa muziki huo Isaya Msangi limekamilisha albamu yake ya kwanza iitwayo ‘Hakuna Kama Mama’ ikiwa imesheheni vibao vinane.

Akizungumza na TGM jana jijini Dar es Salaam, Msangi ambaye ndiyo mmiliki wa kundi hilo alisema ameamua kuunda kundi hilo kwa lengo la kuongeza nguvu ya kulitangaza neno la Mungu kila pembe ya dunia kwa njia ya uimbaji.

Msangi aliendelea kusema kuwa baadhi ya nyimbo tayari zimeanza kuchezwa katika vituo mbalimbali vya redio na sasa anafanya taratibu za kurekodi video yake.

Alizitaja nyimbo zinazounda albamu hiyo kuwa ni Hakuna Kama Mama, Amenikumbuka Yesu, Maombi, Ukifika Mbinguni, Bendera ya Yesu, Safi Sana, Mbiyo na Tanzania Tunaenda mbele.

“Namshukuru Mungu nimefanikiwa kukamilisha albamu yangu ya kwanza nikiwa na kundi hili ambalo litakuwa linahubiri neno la Mungu kwa njia ya uimbaji,” alisema Msangi na kuongeza;

Lakini kuwa na kundi hili hakuna maana sitaiba peke yangu bali nitakuwa natoa albamu kwa kila upande kadiri Roho wa Mungu atakavyoniongoza.

Mwimbaji huyo ambaye albamu yake ya Shetani Imekula Kwako ikiwa katika mfumo wa video inayofanya vizuri sokoni anatarajia kulizindua kundi hilo hivi karibuni na tayari mchakato wa uzinduzi umeanza.