BARAKA KUIZINDUA BARAKA ZINAKUJA

                         Muonekano wa kava la Baraka

                            Baraka Legembo

Mwimbaji wa nyimbo za Injili nchini, Baraka Watson Legembo anatarajia kuizindua albamu yake ya kwanza yenye nyimbo nane Januari 27 mwaka huu maeneo ya Changanyikeni ikiwa katika mfumo wa CD.

Akizungumza na TGM jana jijini Dar es Salaam, Legembo alisema kuwa kwa sasa yupo katika hatua za mwisho za maandalizi hayo ikiwa ni pamoja na kuongea na waimbaji watakaoimba siku hiyo.

“Namshukuru Mungu kwa kukamilisha albamu yangu ya kwanza yenye nyimbo nane na ninatarajia kuizindua Januari 27 maeneo ya Changanyikeni na kutakuwa na waimbaji mbalimbali watakaoimba siku hiyo,”

Legembo alisema kuwa lengo la kufanya uzinduzi huo ni kukupata fedha ambazo zitamuwezesha kurekodi video ya albamu hiyo ambayo imekuwa ikiuliziwa na wadau wa muziki huo kila anapoenda kuhudumu.

“Kila ninapoenda kuhudumu kwa njia ya uimbaji, wadau wa muziki huu huwa wananiuliza kama nina DVD hivyo basi nimeona nivema nikapata fedha ili nitimize kiu yao,” alisema Legombo.

Mwimbaji huyo amewataka wapenzi wa muziki huo kumuunga mkono siku hiyo kwani wao ndiyo watakaomwezesha kufanikisha ndoto zake hizo za kurekodi video ya albamu ya Baraka Zinakuja.