CHIMBUA MZIZI YA RWECHUNGULA IKO TAYARI

                Muonekano wa kava la CD ya William Rwechungual

Albamu ya nyimbo za injili itwayo Chimbua Mzizi ya mwimbaji, William Rwechungula imekamilikana na  anatarajia kuiingiza sokoni hivi karibubuni ikiwa katika mfumo wa CD.Akizungumza na TGM jana jijini Dar es Salaam, Rwechungula alisema kuwa albamu hiyo iliyobeba nyimbo nane ni nzuri na haichoshi kuisikiliza hivyo amewaomba wadau wa muziki huo kumuunga mkono kwa kununua nakala halisi.

“Nimefanikiwa kukamilisha albam yangu ya kwanza ikiwa na nyimbo nane na hii inanipa mwanya mwingine wa kuiweka katika mfumo wa video kama wadau wa muziki huo wanavyotaka nami nitafanya hivyo haraka iwezekanavyo,” alisema Rwechungula.

Alizitaja nyimbo zinazounda albam hiyo kuwa ni Chimbua Mzizi, Amani Duniani, Adam na Eva, Maji ya Uzima, Safari Inaendelea, Wema wa Baba na Nuru ya Baba.

Rwechungula amewaomba wadau wa muziki huo kuipokea kwa mikono miwili albam hiyo ambayo nyimbo zake ni nzuri kwa kununua nakala halisi badala ya kuchukua zinazouzwa na maharamia wa mitaani.

“Naomba wapenzi wa muziki wa injili waniunge mkono kwa kununua nakala halisi kuliko kuchukua kwa mahabaramia ambao wamekuwa wakijipatia fedha kwa njia haramu,” alisema mwimbaji huyo.