PROPHETESS AILETA DVD YAKE TANZANIA

Prophetess Alice

Mwimbaji wa nyimbo za injili nchini Kenya, Prophetess Alice ameileta Tanzania albamu yake itwayo Yesu Ni Mwema iliyokatika mfumo wa DVD yenye nyimbo zipatazo 10 nakuomba aungwe mkono kwa kununua nakala halisi.

Akizungumza na TGM jana jijini Dar es Salaam, Prophetess alisema sababu za kuileta Tanzania DVD yake hiyo ni ueneza neno la Mungu kama ambavyo maandiko yanamtaka kueneza injili duniani kote na ameanzia hapa nchini.

 “Natambua Watanzania wanapenda sana nyimbo za injili ndiyo maana nimefunga safari kutoka Kenya mpaka hapa ili waniunge mkono kwa kununua nakala za DVD hizo na ninafanya mpango zianze kuonekana Tanzania nzima hivi karibuni,” alisema Prophetess.

Alizitaja nyimbo zinazounda DVD hiyo kuwa ni Yesu Yu Mwema, Jipe Moyo, Mpokee Yesu, Tumrudie Yesu, Umbali Umenitoa, Wana wa Israeli, Ulimi, Nakuhimidi, Yesu Ni Mwema na Yesu Tumaini.

Mwimbaji huyo akiwa hapa nchini, atafanya ziara ya uimbaji katika makanisa mbalimbali kwa lengo la kueneza neno la Mungu kwa njia hiyo ya uimbaji na amewaomba wachungaji, wainjilisti, mitume na manabii kumpa ushirikiano atakapokuwa anatoa huduma ya uimbaji katika huduma zao.

Prophetess amewataka pia waimbaji wa nyimbo hizo hapa nchini nao kumuunga mkono kwani wote wanafanya kazi ya kueneza ujumbe wa Mungu kwa njia hiyo.