WILLIAM ASIMULIA ALIVYONUSULIKA NA AJALI YA GARI

Mwimbaji wa nyimbo za Injili nchini, William Rwechungula amesema kuwa wimbo wa Wema wa Baba aliutunga baada ya kunusulika na ajali ya gari iliyotokea hivi karibuni maeneo ya Tenesco barabara ya Kawe alipogongwa na gari aina ya Vitara. Akizungumza na TGM leo jijini Dar es Salaam, Rwechungula alisema kuwa siku ya tukio alikuwa anaendesha baiskeli na gari hilo lilimgonga na taili kupita juu ya miguu yake na kusababisha baiskeli yake kusagika. “Wimbo wa Wema wa Baba niliutunga ikiwa ni kurejesha shukurani kwa Mungu baada ya kuniponya na ajali ya gari ambayo ilinigonga na taili zake kupita juu ya miguu yangu lakini cha ajabu baiskeli ndiyo ilisagika mimi nikatoka nikiwa salama,” alisema Rwechungula na kuongeza; “Kila aliyefika katika tukio hilo hakuamini kama nilikuwa mzima kwani baiskeli yangu ilikuwa haitamaniki na mara baada ya tukio hilo ndipo nilipata ujumbe wa wimbo wa Wema wa Baba unaopatikana katika albamu yangu ya Chimbua Mzizi yenye nyimbo saba.” Mwimbaji huyo ambaye pia ni Kiongozi wa Vijana wa kanisa la Unificatuion lililopo Majohe amewataka wadau wa muziki huo kumuunga mkono kwa kununua CD yake ilia pate fedha itakayomwezesha kurekodi video ya albamu hiyo.