ALA CHUNGWA, APOTEZA FAHAMU

Kijana mmoja aliyefahamika kwa jina la Pascal Raphael mwanafunzi wa shule ya sekondari ya Tarime mkoani Mara amekutwa akiwa hajitambui nyumbani kwa kaka yake aliyejulikana kwa jina la Edward mkazi wa Yombo baada ya kupoteza fahamu kutokana na kula kipande cha chungwa alilopewa na bibi yake.

Habari kutoka eneo la tukio zinasema kuwa Pascal alikutwa amelala nje ya geti la nyumba ya kaka yake akiwa amezungushiwa majivu na katika paji lake la uso alikuwa na maandishi ya rangi nyekundu yakiwa yameandikwa kwa lugha ya kiarabu na katika kumpekua alikutwa na nyembe, nywele na vitu mbalimbali kana kwamba amelukwa akili.

Kabla ya tukio hilo kijana huyo alisafirishwa na kaka yake kwenda kijiji kwao Tarime baada ya kushindwana kitabia tangu mwezi wa pili mwaka huu na kushangazwa na kitendo cha kumkuta nyumbani hapo akiwa katika mazingira hayo.

Kijana huyo baada ya kuamushwa alikuwa hajiwezi hata kuongea ilikuwa shida mpaka akapelekwa kwa mtumishi wa Mungu akafanyiwa maombi kasha fahamu zake zikarejea na kuanza kusimulia kilichomkuta kabla ya kufika hapo.

Pascal alisema kuwa Ijumaa iliyopita akiwa kijijini kwao alichukua fedha na kwenda benki kulipia ada ya shule na kasha kurudi nyumbani na alipofika nyumbani alimwambia bibi yake kuwa anajisikia vibaya ndipo bibi huyo akampa chungwa na kumwambia ale.

Kijana huyo aliingia ndani na kukata kipande hicho cha chungwa mara akaanza kusikia kizunguzungu na kuona giza nene na kupoteza fahamu na yeye alishanga kuzinduka akiwa nyumbani kwa kaka yake akiwa katika mazingira hayo.

Kitu kingine kilichomshangaza Pascal ni kutokuwa na nywele zake alizokuwa nazo kabla ya tukio hilo na mpaka sasa haelewi chochote.