KANISA LAFUNGWA BAADA YA WAMASAI KUTOA KIPIGO

Mkuu wa wilaya ya  Kilindi Selemani Liwowa

Kanisa moja mkoani Tanga limefungwa baada ya Wamasai wa Songe mkoani Tanga kutembeza kipigo kwa wamuumini wa kanisa hilo kwa madai kuwa linapinga mila potofu kama kuacha kuwakeketa wanawake na wanawake wa kimasai kuolewa na jamii isiyokuwa yao.

Askofu wa kanisa hilo Daniel Lekonga amesema kuwa wamasai hao wameamua kutembea kipigo hicho na kuiba vifaa vya kanisa hilo huku baadhi ya wachungaji wa waumini wakijeruhiwa. Askari wa jeshi la polisi Songe walifika katika eneo la tukio na kukamata mtu mmoja hali iliyosababisha kundi kubwa la kimasai liandamane mpaka kituoni hapo kwa shinikizo la kumtoa mwenzao.

Habari kutoka katika eneo la tukio zinasema kuwa wamasai hao wamefanikiwa pia kumrejesha kwao msichana mmoja wa kimasai aliyeolewa na mwanaume asiye masai kwa kile walichodai kuwa kufanya hivyo ni kukiuka mira zao. Mwanaume aliyemuoa mwanamke huyo alipata kipigo na kukubali kuachana naye.

Mkuu wa wilaya ya  Kilindi Selemani Liwowa, amethibisha kutokea kwa tukio hilo na kusema kuwa ugomvi huo ni mkubwa hivyo wanataka kuzikutanisha pande zote mbili ili wajue kwa undani zaidi tatizo lipo wapi na kufanya eneo hilo liwe salama.