KONGAMANO KUBWA LA MAOMBEZI YA KINABII KUFANYIKA LEO

Kongamano kubwa la maombezi ya kinabii na uponyaji linatarajiwa kuanza leo Julai Mosi  katika Kanisa la RGC Miracle Center  Tabata  Chang’ombe jijini Dar es Salaam kwa kuwashirikisha mitume saba na litahitimishwa Julai 7 mwaka huu.

Akizungumza na Tanzania Gospel Music leo asubuhi, mwandaaji wa kongamano hilo Mtume Peter Nyaga wa kanisa hilo amesema uzinduzi huo utafanyika saa 9:00 hadi saa 1:00 usiku  ukiongozwa na Mtume Ferdinand wa huduma ya Agape.

Mbali na Mtume Ferdinand  mitume wengine watakaohudumu katika madhabahu hiyo moja ni Mtume Munene, Mtume Onesmo Ngedi, Mtume Prosper Ntepa, Mtume Daniel Nyalusi, Mtume Livingstone na Mtume Shebele.

Mtume Nyaga amesema lengo la kongamano hilo kuiombea Tanzania kuendelea kuwa na amaani na litahusisha makanisa yote, dini zote na makabila yote ambapo kwa mikono ya Mitume zitafanyika ishara na maajabu mengi ambapo siku ya Sabasaba kutafanyika tamasha kubwa la muziki wa injili kwa kuwashirikisha waimbaji 225 kutoka ndani na nje ya nchi na hakutakuwa na kiingilio.