WATOTO WAWILI WAFA BAADA YA KUTUMBUKIA CHOONI

Watoto wawili mmoja miaka mitatu na mwingine miaka minne wamefariki dunia baada ya kutumbukia kwenye shimo ambalo limechimbwa kwa ajili ya matumizi ya choo likiwa na futi 12 na lilikuwa limejaa maji machafu.

Tukio hilo limetokea juzi mkoani Mara ambapo watoto hao walikuwa wakicheza majira ya jioni na walikuwa wakicheza kwa kukimbizana na watoto wenzao na shimo hilo lilikuwa limefunikwa kwa majani ambayo yaliwafanya marehemu hao wasijue kama kuna kitu hicho na kukuta wanazama ndipo rafiki zao wakaenda kutoa taarifa kwa watu waliokuwa jirani.

Watoto hao waliokolewa wakiwa wamekunywa maji mengi na kukimbizwa hospitali lakini walifariki wakiwa njia.

Jeshi la Polisi mkoani hapo limethibitisha kutokea kwa kifo hicho na hakuna anayeshikiliwa kutokana na tukio hilo kwani mmiliki wa nyumba yenye shimo hilo ni mzee ambaye hakuwa na uwezo wa kukiendeleza choo hicho ambacho kiliachwa na ndugu yake ambaye alifariki siku nyingi na kumuacha peke yake.