ASKOFU SUGUYE ASIMULIA JINSI MUNGU ALIVYOMPONYA NA KIFO

Askofu wa Huduma ya Neno la Upatanisho(The Word of Reconciliation Ministries) iliyopo Busitani ya Edeni Kivule zamani Matembele ya kwanza, Nicolauc Suguye ameelezea jinsi Mungu alivyomwepusha na kifo, baada ya kutoakea ajali mbaya ya basi la Taqwa  Novemba 21 mwaka huu Dodoma na kuua watu wawili huku gari hilo likiteketea kwa moto mbele ya macho yake na mkewe Anna Suguye.

Akisimulia kisa hicho, Askofu ambaye yeye na mkewe walikaa kiti cha nyuma ya dereva ambaye alitekea na moto palepale, kabla ya kufunga safari ya kuelekea nyumbani kwao Ngala, walioteshwa suala la matukio ya dalili za roho ya mauti, huku mkewe akiona kwenye ndoto majeneza mawili yakiwe wamewekwa mbele ya kanisa, na alipoamka asubuhi alipuuza ndoto hiyo na kuona kama ni jambo la kawaida, kwa sababu suala la kuota ndoto za ajabu si geni kwake.

Askofu alisema kuwa, wakiwa kwenye gari, dereva na kondakta walikuwa wanaongea maneno ambayo kwa kiasi fulani hayakupaswa kuzungumzwa wakati gari likiwa kwenye mwendo mkali, na mara nyingo Suguye alijaribu kumuonya dereva asiendelee kuongea wakati gari likiwa barabarani.

Hata hivyo, wahenga walisema sikio la kufa halisikii dawa, dereva huyo aliendelea kupiga stori na konda wake na mbele yao kulikuwa na basi la Zuberi lililokuwa linaelekea Mwanza, na kutokana na mwenda wa gari lao kuwa na mwendo mkali, lilijaribu kulipita basi la Zuberi wakati huo dereva alikuwa bado anaendelea kuongea, na kondakita wake.

Wakati anajaribu kuripita basi hilo, kondakita alionekana kumpa kitu dereva wake na alipogeuka kukichukua mara mbele yake aliona trekita likiwa karibu yake, na alipotaka kulikwepa gari lilianza kuyumba na mara taili moja iliingia kwenye korongo lililokuwa barabarani na ndipo lilipopasuka upande wa dereva na kuangukia upande wa pili.

Kitendo cha kupiduka kwa gali hilo, kulimfanya ajikute nje ya gari akiwa anatoka damu kichwani, na mara alisikia sauti ya mke wake ikiuliza "mme wangu uko wapi", na katika hali ya kushangaza, mke wake naye alijikuta yupo nje pasi kufahamu alifikaje lakini yeye hakuumia sana mbali na kupata jeraha dogo kwenye goti.

Askofu alimaliza kwa kusema kuwa, siku hiyo malaika wa Bwana walikuwa upande wao kwa sababu jinsi walivyotoka kwenye basi hilo hawakujua licha ya kuumia kichwani na kushonwa nyuzi tatu na Jumapili ijayo Desemba 06, atatoa sadaka ya shukurani kanisani hapo.