SARAH SANGA AKAMILISHA ALBAMU YAKE YA KWANZA

Mwimbaji wa nyimbo za injili nchini, Sarah Sanga amekamilisha albamu yake ya kwanza yenye nyimbo  nane na kuipa jina la Simama baba Unitetee. Akizungumza na TGM jana jijini Dar es Salaam, Sarah alisema kuwa anamshukuru Mungu kwa kuikamilisha albamu hiyo ambayo nyimbo zake zina mguso wa hali ya juu hali inayopelekea watu wengi waipende kuhu wengine wakinunua nakala zake halisi.

“Namshukuru Mungu kwa kuniwezesha kukamilisha albamu yangu hii ya kwanza ambayo inapendwa na watu wengi kutokana na uzuri wa nyimbo zake.” “Pia namshukuru mume wangu mpendwa John Alomon Sanga ambaye amekuwa msaada mkubwa katika huduma yangu na Mungu azidi kumpa moyo huo kwani ni wanaume wachache wenye kutambua huduma za wake zao,” alisema Sarah.

Nyimbo zinazounda albamu hiyo ni Simama Baba Unitetee, Haleluya, Anajibu Maombi, Yesu Napiga Saluti, Tanzania, Mwana wa Adamu, Moyo Wangu na Siku za Mwisho. Sarah alianza huduma yake ya uimbaji mwaka 2005 katika kwaya ya MKC ya Mwananyamala Kisiwani na mwaka huu ameanza kuimba rasmi peke yake. Mwimbaji huyu yupo tayari kwa mialiko ndani na nje ya nchi. 

Wasiliana naye kwa simu namba +255 754 290 953/ +255 714 370 059. Email:sarahsanga164@yahoo.com